કુમકુમ ભાગ્યનો પૂરબ નાગિન 5માં સ્પેશ્યલ રોલમાં

Published: 6th January, 2021 19:46 IST | Gujarati Mid-day Correspondent | Mumbai

‘બહુ બેગમ’, ‘કુમકુમ ભાગ્ય’ ફેમ અર્જિત તનેજા સુપરનૅચરલ થ્રિલર શોનું શૂટિંગ કરવા માટે ભારે ઉત્સાહી છે

અર્જિત તનેજા
અર્જિત તનેજા

‘નાગિન’ ટેલિવિઝનનો મલ્ટિ-સ્ટારર શો છે એટલે કે જાણીતા અઢળક કલાકારો એક જ શોમાં સાથે જોવા મળે છે. હાલમાં ‘નાગિન’ની પાંચમી સીઝન ચાલુ છે જેમાં સુરભિ ચંદ્રા, શરદ મલ્હોત્રા અને મોહિત સહેગલ મુખ્ય કલાકારો છે. આ સુપરનૅચરલ થ્રિલરમાં નવા ચહેરાની એન્ટ્રી થતી રહે છે અને એમાં લેટેસ્ટ નામ અર્જિત તનેજાનું ઉમેરાયું છે. અર્જિત તનેજા ‘કુમકુમ ભાગ્ય’ સિરિયલમાં પૂરબ તરીકે લોકપ્રિય થયો છે. ‘નાગિન 5’માં અર્જિતનો ટૂંકો રોલ હશે, પણ તે વાર્તામાં નવો વળાંક લાવશે. અર્જિતનું કહેવું છે કે ‘નાગિનમાં મારો કેમિયો છે, પણ હું આ રોલને મોટો બ્રેક માનું છું, કેમ કે પહેલી વખત હું એક સુપરનૅચરલ શોમાં કામ કરીશ. હા, ડેઇલી સોપ કરતાં ફૅન્ટસી શોની શૂટિંગ-ટેક્નિક બહુ અલગ હોય છે એટલે મને ઘણું શીખવા મળશે. આ પહેલાં હું ક્યારેય શોની વચ્ચેથી નથી જોડાયો અને નવા અનુભવ માટે હું આતુર છું.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK