પોલીસની સલામતી માટે દસ લાખ રૂપિયા ડોનેટ કર્યાં અનુષ્કા શર્મા-વિરાટે
વિરાટ કોહલી અને અનુષ્કા શર્મા
કોરોના વાઇરસ સામે સૌની રક્ષા માટે ખડે પગે ઊભા રહેતા પોલીસ માટે અનુષ્કા શર્મા અને વિરાટ કોહલીએ દસ લાખ રૂપિયા ડોનેટ કર્યાં છે. તેમણે બન્નેએ પાંચ-પાંચ લાખ રૂપિયા મુંબઈ પોલીસ ફંડમાં ડોનેટ કર્યાં છે. આ અગાઉ પણ તેમણે પીએમ-કૅર્સમાં અને મહારાષ્ટ્ર ચીફ મિનિસ્ટર્સ રિલીફ ફન્ડમાં ડોનેટ કર્યું હતું. જોકે કેટલી રકમ આપી એનો ખુલાસો નહોતો કર્યો. અનુષ્કા શર્મા અને વિરાટ કોહલીએ કરેલી મદદ માટે તેમનો આભાર વ્યક્ત કરતાં ટ્વિટર પર મુંબઈ પોલીસ કમિશનર પરમબીર સિંહે ટ્વીટ કર્યું હતું કે ‘અનુષ્કા શર્મા અને વિરાટ કોહલીએ વેલ્ફેર ઑફ મુંબઈ પોલીસ પર્સનલમાં પાંચ-પાંચ લાખ રૂપિયા આપ્યા એ માટે આભાર. તમારું યોગદાન કોરોના વાઇરસ સામે લડત આપતા ફ્રન્ટલાઇન વર્કર્સની સલામતી માટે મદદ કરશે.’
