બાગી 3માં શ્રદ્ધા કપૂરની બહેનની ભૂમિકામાં દેખાશે અંકિતા લોખંડે

બાગી 3માં શ્રદ્ધા કપૂરની બહેનની ભૂમિકામાં દેખાશે અંકિતા લોખંડે

અંકિતા લોખંડે

અંકિતા લોખંડેને ‘બાગી 3’માં શ્રદ્ધા કપૂરની બહેનનું પાત્ર ભજવવાની તક મળી છે. આ ફિલ્મમાં ટાઇગર શ્રોફનાં ભાઈનાં રોલમાં રિતેશ દેશમુખ જોવા મળશે. ૨૦૨૦ની ૬ માર્ચે ‘બાગી 3’ રિલીઝ થવાની છે. અહમદ ખાન આ ફિલ્મનાં ડિરેક્ટર અને સાજિદ નડિયાદવાલા પ્રોડ્યુસર છે. ‘મણિકર્ણિકા : ધ ક્વીન ઑફ ઝાંસી’ દ્વારા અંકિતાએ બૉલીવુડમાં એન્ટ્રી કરી હતી. પોતાનું પાત્ર લોકોને પસંદ પડશે એવુ જણાવતાં અંકિતાએ કહ્યું હતું કે ‘આ મારા માટે ચૅલેન્જિંગ છે. જોકે મારો વિશ્વાસ છે કે લોકો મારી આ ભૂમિકાની નોંધ લેશે. આ ફિલ્મ પહેલાની બે ફિલ્મો કરતાં અલગ છે. ‘બાગી 3’માં ફૅમિલીને સંબંધિત સ્ટોરી દેખાડવામાં આવશે. ફિલ્મમાં હું ફન-લવિંગ પાત્ર ભજવી રહી છું. તેની બહેન સાથે તેનાં સારા રિલેશન હોય છે. આવી ભૂમિકા આ અગાઉ મેં કદી પણ ટેલિવિઝન કે બૉલીવુડમાં નથી ભજવી. એથી આ ફિલ્મમાં દર્શકો મને કદી પણ ન જોઈ હોય એવા અવતારમાં જોઈ શકશે.’