અનિલે આગામી ટીવી-શો માટે ઉતાર્યું સારું એવું વજન

Published: 30th November, 2012 05:55 IST

આ શોમાં તેણે કર્યા છે ઘણા બધા સ્ટન્ટ: એમાં સોનમ પણ કામ કરે એવી શક્યતા



હાલમાં અનિલ કપૂર અમેરિકન સિરીઝ ‘૨૪’ની હિન્દી આવૃત્તિમાં કામ કરવાની પુરજોશમાં તૈયારી કરી રહ્યો છે. આ સિરીઝમાં તે સ્પેશ્યલ એજન્ટનો રોલ કરી રહ્યો છે જેના માટે તેણે સારું એવું વજન પણ ઉતાર્યું છે. આ રોલ માટે ફિટનેસ મેળવવા અનિલ કડક ડાયેટિંગનું અને ફિટનેસ-ટ્રેઇનિંગના નિયમોનું પાલન કરી રહ્યો છે. અનિલે આ ફિલ્મ માટે વજન ઉતાર્યું છે, પણ તે પોતાના નવા લુકને હમણાં જાહેર કરવાના મૂડમાં નથી.

અનિલે સ્પષ્ટતા કરી છે કે જો તક મળશે તો તેની દીકરી સોનમ પણ આ ટીવી-સિરીઝમાં જોવા મળશે. આ વિશે વાત કરતાં અનિલ કહે છે, ‘આ શોનો કાસ્ટિંગ ડિરેક્ટર છે રેન્સિલ ડિસિલ્વા. તે આમાં નવા ચહેરાને તક આપવા માગે છે, પણ જો તેમને લાગશે કે સોનમ આ રોલ માટે યોગ્ય છે તો તેઓ તેને પણ લઈ શકે છે. હવે તો મારે પણ સોનમ સાથે તેની મૅનેજર મારફત જ વાત કરવી પડે છે.’

આ ટીવી-સિરીઝ માટે આગામી ૯ મહિના સુધી અનિલે કોઈ બીજું કામ હાથમાં નથી લીધું. આ કામ પૂરું થશે એ પછી જ તે ‘મિસ્ટર ઇન્ડિયા’ અને ‘નો એન્ટ્રી’ની સીક્વલનું કામ હાથમાં લેશે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK