સુહાના ખાનનું ટૉપ જોઈએ છે અનન્યાને
અનન્યા પાન્ડેને સુહાના ખાનનું ટૉપ જોઈએ છે, પરંતુ તેનું એમ પણ કહેવું છે કે સુહાના આ ટૉપ નહીં આપે. સોશ્યલ મીડિયા પર અનન્યા અને સુહાના વચ્ચે બેસ્ટ ફ્રેન્ડમાં થાય એવો ઝઘડો શરૂ થઈ ગયો હતો. ગૌરી ખાને હાલમાં જ સુહાનાનો એક ફોટો શૅર કર્યો હતો. એ ફોટોમાં સુહાનાએ સ્ટ્રૅપલેસ ટૉપ અને જીન્સ પહેર્યું છે. ફોટોમાં તે ખૂબ સુંદર દેખાઈ રહી છે. આ ફોટોને ઇન્સ્ટાગ્રામ પર શૅર કરીને ગૌરીએ કૅપ્શન આપી હતી કે ‘નો હેર! નો મેકઅપ! જસ્ટ માય ફોટોગ્રાફી.’
આ ફોટો જોઈને અનન્યાએ કમેન્ટ કરી હતી કે ‘મને આ ટૉપ ખૂબ ગમ્યું છે. જોકે તું મને નહીં આપે.’
ADVERTISEMENT
તો સુહાનાએ તરત રિપ્લાય આપ્યો હતો કે મારી શૉર્ટ્સ પાછી આપ.
તો અનન્યાએ કમેન્ટ કરી હતી કે ‘ક્યારેય નહીં આપુ. હમણાં તો મેં એ પહેરી છે અને હું હવે હંમેશાં માટે એ પહેરવાની છું.’