હિમાચલ પ્રદેશમાં શુભચિંતકોનો આભાર માન્યો અમિતાભ બચ્ચને
અમિતાભ બચ્ચન
હિમાચલ પ્રદેશના મનાલીમાં ‘બ્રહ્માસ્ત્ર’નું શૂટિંગ કરી રહેલા અમિતાભ બચ્ચને ત્યાંના શુભચિંતકો પ્રતિ આભાર વ્યક્ત કર્યો છે. મનાલીમાં તેમની સાથે રણબીર કપૂર અને આલિયા ભટ્ટ પણ શૂટિંગ કરી રહ્યાં છે. મનાલી પહોંચતાં જ ત્યાંના સ્થાનિક લોકોએ ખૂબ જ ઉમળકાભેર તેમનું સ્વાગત કર્યું હતું. મનાલીમાં બરફવર્ષા સાથે જ કડકડતી ઠંડી પડી રહી છે. થોડા સમય પહેલાં જ અમિતાભ બચ્ચને જણાવ્યું હતું કે તેઓ અહીં માઇનસ ૩ ડિગ્રીમાં શૂટિંગ કરી રહ્યા છે. હિમાચલ પ્રદેશની પારંપરિક ટોપી પહેરેલો ફોટો ટ્વિટર પર શૅર કરીને અમિતાભ બચ્ચને ટ્વીટ કર્યું હતું કે ‘ઉમળકાભેર પ્રેમ કરનારા અને હંમેશાં હસતો ચહેરો રાખનારા હિમાચલ પ્રદેશના શુભચિંતકો અને ખાસ કરીને તો અમે જ્યાં કામ કરી રહ્યા છીએ એ મનાલી. તમારા સૌના પ્રેમ અને ઉદાર કાળજી માટે આભાર. મેં તેમનો પારંપરિક પોષાક પહેર્યો છે.’
