ગુડ ન્યુઝ છે આ વર્ષનો સૌથી મોટો ગોટાળોઃ અક્ષયકુમાર

અક્ષયકુમારે ટ્વીટ કર્યું હતું કે ‘આ ક્રિસમસમાં તમને થોડા ગુડ ન્યુઝ આપવાની વચ્ચે સપડાઈ ગયો છું. બિગેસ્ટ ગૂફ-અપ ઑફ ધ યર આવી રહી છે.’

અક્ષયકુમારે ‘ગુડ ન્યુઝ’નું પોસ્ટર શૅર કરીને ફિલ્મને વર્ષની સૌથી મોટી ગૂફ-અપ જણાવી છે. આ ફિલ્મમાં અક્ષયકુમારની સાથે કરીના કપૂર ખાન, દિલજિત દોસાંજ અને કિયારા અડવાણી પણ જોવા મળશે. આ ફિલ્મને રાજ મેહતાએ ડિરેક્ટ કરી છે. આ વર્ષે ૨૭ ડિસેમ્બરે ફિલ્મ રિલીઝ થશે. ફિલ્મના પોસ્ટરમાં કરીના અને કિયારા બેબી-બમ્પ સાથે જોવા મળી રહી છે. બન્નેની બેલીઝ વચ્ચે અક્ષયકુમાર અને દિલજિત દોસાંજનો ચહેરો ફસાયેલો દેખાય છે. સાથે જ આ પોસ્ટર પર લખેલું છે, બિગેસ્ટ ગૂફ-અપ ઑફ ધ યર. આ પોસ્ટર ટ્‍‍વિટર પર શૅર કરીને અક્ષયકુમારે ટ્વીટ કર્યું હતું કે ‘ગરબડ અનેકગણી થવાની છે. એ તમને ‘ગુડ ન્યુઝ’માં જોવા મળવાનું છે. આ વર્ષે ક્રિસમસમાં ૨૭ ડિસેમ્બરે ફિલ્મ રિલીઝ થવાની છે.’
સાથે જ અક્ષયકુમારે હજી એક પોસ્ટર શૅર કર્યું છે જેમાં તે એકલો આ બેબી-બમ્પ વચ્ચે ફસાયેલો દેખાઈ રહ્યો છે. આ પોસ્ટર ટ્‍‍વિટર પર શૅર કરીને અક્ષયકુમારે ટ્વીટ કર્યું હતું કે ‘આ ક્રિસમસમાં તમને થોડા ગુડ ન્યુઝ આપવાની વચ્ચે સપડાઈ ગયો છું. બિગેસ્ટ ગૂફ-અપ ઑફ ધ યર આવી રહી છે.’

આ પણ જુઓઃ Happy Birthday Aarohi: અલબેલી 'આર.જે. અંતરા'ના અનોખા અંદાજ જુઓ તસવીરોમાં...

આ પોસ્ટરની પ્રશંસા કરતાં કૉમેડિયન કપિલ શર્માએ ટ્વીટ કર્યું હતું કે ‘કૉન્ગ્રેચ્યુલેશન્સ પાજી. પોસ્ટર ખૂબ જ સરસ દેખાઈ રહ્યું છે. જોકે મારા ગુડ ન્યુઝ તમારા ગુડ ન્યુઝ કરતાં પહેલાં આવશે. હાહાહા. પૂરી ટીમને શુભેચ્છા.’
એ વખતે કપિલ શર્માને શુભેચ્છા આપતાં અક્ષયકુમારે ટ્વીટ કર્યું હતું કે ‘કમાલ કર દિયા શર્માજી. તારા ગુડ ન્યુઝ માટે તને દિલથી શુભેચ્છા. બિગ હગ.’