અક્કીના ‘ગુડ બૉય બૅડ બૉય’ અવતાર

અક્કી આ ફિલ્મમાં ડબલ રોલ કરશે અને બન્ને પોલીસ-ઑફિસરના રોલમાં હશે. એક ઑફિસર પ્રામાણિક અને ઈમાનદાર તરીકે બતાવવામાં આવશે જ્યારે બીજો ભ્રષ્ટ ઑફિસરનો રોલ કરશે.

પ્રભુ દેવાના દિગ્દર્શન હેઠળની આ ફિલ્મ તેલુગુ ‘વિક્રમાકુર્ડુ’ની રીમેક છે અને મૂળ ફિલ્મમાં ભ્રષ્ટ પોલીસ-ઑફિસરના પાત્રના સ્થાને એક નાનકડા ગામના ચોરને રાખવામાં આવ્યો હતો. ખબરો અનુસાર ‘રાઉડી રાઠોડ’ની શરૂઆત એ રીતે થશે કે સાચા અને ઈમાનદાર ઑફિસર ડાકુઓના રસ્તામાં આવતો હોય છે અને તેના આ દુશ્મનો ઑફિસરની હત્યા કરી નાખે છે અને તેના સ્થાને ભ્રષ્ટ માણસને ઑફિસર બનાવીને મોકલે છે.

આ સીક્વલમાં અક્ષયકુમાર સાથે સોનાક્ષી સિંહા જોવા મળશે અને અત્યારે ફિલ્મનું શૂટિંગ ચાલી રહ્યું છે. ફિલ્મ જૂન ૨૦૧૨માં રિલીઝ થાય એવી સંભાવનાઓ છે.