અક્ષય કુમારે પત્ની ટ્વિંકલ ખન્નાને ગિફ્ટ કર્યા કાંદાવાળા એરિંગ્સ
બોલીવુડના ખેલાડી અક્ષય કુમાર ઘણીવાર પોતાના મસ્તીખોર અંદાજ અને પોતાના કૉમિક ટાઇમથી બધાંને હસાવે છે. તાજેતરમાં જ એક રસપ્રદ ઘટના બની જ્યારે અક્ષયે પત્ની માટે એક ભેટ લઈને પહોંચ્યો હતો. આ ભેટ બીજું કંઇ નહીં પણ કાંદાવાળા એરિંગ્સ હતા જે વાઇફ ટ્વિંકલ ખન્નાને ખૂબ જ ગમ્યા હતા. ભારતમાં કાંદાની કિંમત વધીને આકાશે પહોંચ્યા છે એવામાં કદાચ જ કોઇ એવું હોય જેને આ ભેટ પસંદ ન આવે.
તાજેતરમાં જ ટ્વિંકલ ખન્નાને પતિ અક્ષય કુમાર તરફથી એરિંગ્સ ભેટમાં મળ્યા છે. આ એરિંગ્સ અક્ષય કોઇ શૉરૂમ કે જ્વેલરી સ્ટોરમાંથી નહીં પણ ધ કપિલ શર્મા શૉના સેટ પરથી લઈ આવ્યો છે. હકીકતે તાજેતરમાં અક્ષય કુમાર પોતાની આગામી ફિલ્મ ગુડ ન્યૂઝનું પ્રમોશન કરવા સોની ટીવીના ધ કપિલ શર્મા શૉમાં પહોંચ્યો હતો. આ શૉમાં તેની સાથે કરીના કપૂર ખાન, કિયારા અડવાણી અને દિલજીત પણ હાજર હતા. કાંદાવાળા એરિંગ્સ શૉમાં કરીના કપૂરને આપવામાં આવ્યા હતા પણ જ્યારે તેને આ એરિંગ્સમાં ખાસ રસ ન પડ્યો ત્યારે અક્ષયે આ એરિંગ્સ પોતાની વાઇફ માટે લઈ આવ્યા.
ADVERTISEMENT
ટ્વિંકલે પોતાના ઑફિશિયલ ઇન્સ્ટાગ્રામ અકાઉન્ટ પર ગિફ્ટ મળવાની ખુશી વ્યક્ત કરતાં લખ્યું, મારા પાર્ટનરે ધ કપિલ શર્મા શૉમાંથી પરફોર્મ કરીને પાછા આવીને મને આ બતાવ્યું અને કહ્યું કે, તે લોકો આ કરીનાને બતાવી રહ્યા હતા પણ મને લાગે છે કે તે આનાથી ઇમ્પ્રેસ થઈ ન હતી એટલે હું આ તારી માટે લઈ આવ્યો, મને ખબર છે કે તને આ ગમશે, ક્યારેક ક્યારેક આવી એક નાની અને બાલીશ વસ્તું હોય છે જે તમારા મનને સ્પર્શી જાય છે, કાંદાના એરિંગ્સ, બેસ્ટ પ્રેઝેન્ટ અવોર્ડ.
આ પણ વાંચો : બ્લેક કલરના ડ્રેસમાં બૅબો મચાવી રહી છે ધૂમ, જુઓ ગ્લેમરસ તસવીરો
જણાવીએ કે અક્ષય કુમાર કપિલ શર્માના શૉમાં પોતાની આગામી ફિલ્મ ગુડ ન્યૂઝ માટે પહોંચ્યો હતો. રાજ મેહતા દ્વારા નિર્દેશિત આ ફિલ્મને 27 ડિસેમ્બરના રિલીઝ કરવામાં આવશે. ફિલ્મમાં અક્ષય કુમારની સાથે કરીના કપૂર ખાન, કિયારા અડવાણી અને દિલજીત દોસાંઝ પણ મુખ્ય પાત્રોમાં છે.