ઐશ્વર્યા રાયે ઘાટકોપરમાં કર્યો ટ્રાફિક જૅમ

Published: 10th November, 2014 03:47 IST

એક જ્વેલર્સની દુકાનના ઉદ્ઘાટનમાં આવેલી વિશ્વસુંદરી ઐશ્વર્યા રાય બચ્ચનને કારણે શનિવારે ઘાટકોપરમાં ટ્રાફિક જૅમ થઈ ગયો હતો અને તેને જોવા ઊમટેલી ભીડમાં ધક્કામુક્કી થતાં પોલીસને એના પર નિયંત્રણ મેળવવામાં ભારે જહેમત ઉઠાવવી પડી હતી.







શનિવારે ઘાટકોપર (ઈસ્ટ)માં સુધરાઈની ફ્ વૉર્ડ-ઑફિસ પાસે નવા ખોલવામાં આવેલા જ્વેલર્સના શોરૂમના ઉદ્ઘાટન માટે ઐશ્વર્યા રાય બપોરે ત્રણ વાગ્યે આવવાની હતી એવી જાહેરાત થઈ હતી. આ વાત વાયુવેગે પ્રસરી જતાં તેને જોવા માટે બપોરે એક વાગ્યાથી લોકોની ભીડ ઊમટવાનું શરૂ થઈ ગયું હતું. દુકાનની સામે તેમ જ રેલવે-સ્ટેશનને અડીને આવેલા સ્કાયવૉક પર લોકોનાં ટોળાં ઊમટી પડ્યાં હતાં. લોકોની ભીડને કારણે સ્ટેશનની બહારના જવાહર રોડની સાથે જ પ્ઞ્ રોડ પર ટ્રાફિક જૅમ થઈ ગયો હતો. લગભગ બે કલાક વાહનવ્યવહાર ખોરવાઈ ગયો હતો. લોકોની ભીડને કાબૂમાં લાવવા માટે પોલીસને પણ નાકે દમ આવી ગયો હતો.

તસવીર: પી.સૃષ્ટિ

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK