આદિત્યને મળ્યો મહિલા ચાહકનો લોહીથી લખેલો પત્ર

Published: Nov 20, 2014, 04:43 IST

૧૯૬૦-’૭૦ના દશકમાં દેવ આનંદ અને રાજેશ ખન્ના જેવા મોટા ઍક્ટરોને તેમની મહિલા ચાહકો પાસેથી લોહીથી લખેલા પત્રો મળતા હોવાની વાત સાધારણ હતી, પણ ૧૬ નવેમ્બરે આદિત્ય રૉય કપૂરને તેના બર્થ-ડેએ એક મહિલા ચાહકનો લોહીથી લખેલો પત્ર મળ્યો હતો.



આ પત્ર આદિત્યને તેના મુંબઈમાં આવેલા ઘરના સરનામા પર મળ્યો હતો અને એ સમયે આદિત્ય જમ્મુ-કાશ્મીરમાં ‘ફિતૂર’નું શૂટિંગ કરી રહ્યો હતો. અલીગઢની આ મહિલા ચાહકે આદિત્ય સાથે પરણવાની વાત વારંવાર પોતાના પત્રમાં લખી હતી. જોકે આદિત્યના ઘરે આ પત્ર પહોંચતાં તેના સ્ટાફે તેને ફોન કરીને આ વાતની જાણ કરી હતી. આમ તેના ઘણા ચાહકો ઈ-મેઇલ મોકલે છે, પણ લોહીથી લખેલો આવો પહેલો પત્ર આદિત્યને પહેલી વાર મળ્યો હતો. લોકોનો પોતાના પ્રત્યે પ્રેમ જોઈને આદિત્ય ખુશ તો છે, પણ સાથે આવા કારસ્તાન પર શું જવાબ દેવો એ વિશે પણ તે ચિંતત છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK