અધ્વિક મહાજન ૨૦૨૦ને કહે છે, થૅન્ક યુ!
અધ્વિક મહાજન
‘બાની - ઇશ્ક દા કલમા’, ‘દિવ્યા દૃષ્ટિ’ ટીવી-શોથી જાણીતો બનેલો અધ્વિક મહાજન હવે ઝીટીવીના શો ‘તેરી મેરી એક જિંદરી’માં લીડ રોલ ભજવવાનો છે. જાન્યુઆરીના અંતે લૉન્ચ થનારી શ્રેણી ‘તેરી મેરી એક જિંદરી’ પંજાબનું બૅકડ્રૉપ ધરાવતી લવ-સ્ટોરી છે જેમાં અધ્વિક સાથે અમનદીપ સંધુની જોડી છે. અધ્વિકે ગયા વર્ષે લૉકડાઉનમાં ‘તમસ’ નામની શૉર્ટ ફિલ્મ બનાવી હતી જેમાં તેની સાથે રશ્મિ દેસાઈ છે, તો હૉટસ્ટાર પર આવેલી અક્ષયકુમારની ફિલ્મ ‘લક્ષ્મી’માં પણ અધ્વિકે નાનકડો રોલ કર્યો છે એટલે તેનું માનવું છે કે ૨૦૨૦ તેને માટે પ્રોડક્ટિવ વર્ષ રહ્યું છે.
નવા વર્ષને વધાવતાં અધ્વિક કહે છે, ‘૨૦૨૦ મોટા ભાગના લોકો માટે બહુ મુશ્કેલ વર્ષ રહ્યું છે, પણ મારા માટે પ્રોડક્ટિવ રહ્યું એમ કહી શકાય. મેં મારી
ADVERTISEMENT
પહેલી શૉર્ટ ફિલ્મ બનાવી જેને મારા પરિવાર, મિત્રો અને દર્શકો તરફથી સારો પ્રતિસાદ મળ્યો. મેં લૉકડાઉન દરમ્યાન મારી ફિટનેસ અને સ્વાસ્થ્ય પર ધ્યાન આપ્યું જે મને ઘણા સમયથી કરવાની ઇચ્છા હતી. તો ૨૦૨૧માં ‘તેરી મેરી એક જિંદરી’ શો મળ્યો અને દર્શકો એને પણ આવકારશે એવી આશા છે. હું ૨૦૨૧ની શરૂઆત તિરુપતિ બાલાજીથી કરીશ અને એવા દરેકની ખુશી માટે પ્રાર્થના કરીશ જેઓ મુશ્કેલ તબક્કામાંથી પસાર થયા હોય.’