Kamal Haasan Birthday: પિતાના બર્થ-ડે પર શ્રુતિએ શૅર કરી આ યાદગાર પળ
કમલ હાસન અને શ્રુતિ હાસન
સુપરસ્ટાર કમલ હાસને સાઉથ ફિલ્મ ઈન્ડસ્ટ્રીથી લઈને બોલિવૂડ ફિલ્મ્સ સુધીની પોતાની જોરદાર અભિનયનું બિરુદ જીત્યું છે. આજે કમલ હાસન પોતાનો જન્મદિવસ ઉજવી રહ્યા છે. આ વિશેષ પ્રસંગે તેમના ચાહકો, પરિવાર અને સ્ટાર્સ તેમને અભિનંદન આપી રહ્યા છે. આ ખાસ અવસરને વધુ વિશેષ બનાવવા માટે તેમની પુત્રી અભિનેત્રી શ્રુતિ હાસને તેના પિતાને ખાસ અંદાજમાં શુભેચ્છા પાઠવી છે.
ADVERTISEMENT
શ્રુતિ હાસને તેના પિતા સાથે એક સુંદર અને ખાસ તસવીર શૅર કરી છે. આ તસવીર શ્રુતિએ તેના ઇન્સ્ટાગ્રામ અકાઉન્ટ પર શૅર કરી છે. આ તસવીરના કેપ્શનમાં એણે લખ્યું હતું, મેરે બાપૂ જી, અપ્પા, ડૅડી ડિયરેસ્ટ કો જન્મદિન કી હાર્દિક શુભકામનાએ..!! તમારા પાછલા વર્ષોની જેમ, આ વર્ષ પણ તમારા માટે યાદગાર રહે. હવે તમારે દુનિયાને શું આપવાનું છે તેની રાહ જોવી છે. પિતા અને પુત્રીની આ તસવીર ફૅન્સને ઘણી પસંદ આવી રહી છે. સાથે જ એના પર કમેન્ટ્સ કરી લોકો જાત-જાતની પ્રતિક્રિયા આપી રહ્યા છે.
Tamil Nadu: Actor and Makkal Needhi Maiam (MNM) party chief Kamal Haasan greets his fans and supporters, who had gathered outside his residence in Chennai, on his birthday today. pic.twitter.com/VWqprkBp7d
— ANI (@ANI) November 7, 2020
એક્ટર કમલ હાસનના 66માં જન્મદિવસે એમના ઘરે પણ તેમના પ્રશંસકોની એક વિશાળ ભીડ ઉમટી પડી છે, જે તેમના પ્રિય અભિનેતાને જન્મદિવસની શુભેચ્છા પાઠવી રહ્યા છે. આ સમય દરમિયાન, અભિનેતાએ પણ તેના ચાહકોને નિરાશ કર્યા ન હતા અને તેમના અભિનંદન સ્વીકાર્યા હતા. કમલ હાસન આ દરમિયાન તેમના ઘરની બહાર ચાહકોથી ઘેરાયેલા જોવા મળ્યા હતા અને તેમની કારમાંથી બહાર નીકળીને હાથ જોડીને બધાનો આભાર માન્યો હતો. સોશિયલ મીડિયા પર પણ ઘણી ફિલ્મ અને રાજકીય હસ્તીઓએ તેમના જન્મદિવસ પર અભિનંદન પાઠવ્યા છે.
તમને જણાવી દઈએ કે એવું સાંભળવા મળ્યું છે કે એમના જન્મદિવસ નિમિત્તે કમલ હાસન તેના ફૅન્સને રિટર્ન ગિફ્ટ આપવાની તૈયારીમાં છે અને શનિવારે એમની 232મી ફિલ્મનું ટીઝર થવાનું છે. આ ફિલ્મનું નિર્દેશન લોકેશન કનગરાજ કરી રહ્યા છે. તેમણે સપ્ટેમ્બરમાં પોતાની ફિલ્મની ઘોષણા કરી હતી અને એનું એક પોસ્ટર પણ બહાર પાડવામાં આવ્યું છે. કમલ તમિલ સાથે-સાથે મલયાલમ, હિન્દી, તેલુગુ, કન્નડ અને એક બંગાળી ભાષાની ફિલ્મમાં પણ કામ કરી ચૂક્યો છે. કમલ હાસનનું નામ સિનેમા જગતમાં એક્ટર, ડાયરેક્ટર, કોરિયોગ્રાફર, સિંગર, સ્ક્રિપ્ટ રાઈટર જેવી વિવિધ અંદાજ માટે જાણીતા છે.
