Coronavirus Impact: સોનુ સુદ દરરોજ 45,000 લોકોને ભોજન પુરૂ પાડે છે
સોનુ સુદ
કોરોના વાયરસ (COVID-19)ના ફેલાવાથી દેશ મુસીબતનો સમાનો કરી રહ્યો છે ત્યારે બૉલિવુડના સેલેબ્ઝ ખરા અર્થમાં દેશની મદદ કરી રહ્યાં છે. દરેક સેલિબ્રિટી પોતાની રીતે દેશને મદદ કરી રહ્યું છે. આ હરોળમાં અભિનેતા સોનુ સુદનું પણ નામ જોડાઈ ગયું છે. અભિનેતા ફરી એકવાર જરૂરિયાતમંદની મદદ આવ્યો છે. તેણે જરૂરીયાતમંદોને મદદ કરવા માટે મુંબઈના પશ્ચિમ પરાંમા 'ફૂડ ડોનેશન ડ્રાઈવ' શરૂ કરી છે. આ માટે પાલિકા સાથે હાથ મેળવીને અભિનેતા અંધેરી, જોગેશ્વરી, જુહુ અને બાંદ્રામાં નિયત સ્થળોએ દરરોજ 45,000 લોકોને ભોજન પુરૂ પાડે છે.
ADVERTISEMENT
સોનુ સુદે કહ્યું હતું કે, આ કઠિન પરિસ્થિતિમાં આપણને રહેવા માટે ઘર અને જમવા માટે ભોજન મળી રહે છે તે આર્શીવાદ સમાન છે. પરંતુ ઘણા લોકો એવા છે કે જેમને અનેક દિવસ સુધી જમવાનું નથી મળતું. એટલે એ લોકોને મદદ કરવા માટે મે મારા પિતા પાછળ 'શક્તિ અન્નદાનમ'ના નામે ફુડ અને રાશન ડ્રાઈવ શરૂ કરી છે. મને આશા છે કે હું વધુ ને વધુ લોકોને મદદ કરી શકું.
આ પહેલા અભિનેતાએ જુહુમાં શરૂ કરેલી પોતાની હોટલ કોરોના વાયરસ સામે લડતા હેલ્થ વર્કરો માટે ખુલ્લી કરી હતી. સોનુએ ઈન્સ્ટાગ્રામ પર લખ્યું હતું કે, અત્યારનો સમય બહુ કઠીન છે. દેશ માટે દિવસ-રાત કાય કરતા હેલ્થ વર્કરને સપોર્ટ કરવાની જરૂરૂ છે. એટલે હું તેમના માટે મારી હોટલ ખુલ્લી મુકુ છું.'
સોશ્યલ મિડિયા પર અભિનેતાના મિત્રો અને ફૅન્સે તેના આ પગલાંને બિરદાવ્યું હતું.