ગુજ્જુભાઈ હવે બનશે રાજુભાઈ ઢોકળાવાળા
સિદ્ધાર્થ રાંદેરિયા
ગુજ્જુભાઈ સિરીઝનાં પાંચથી વધુ નાટક અને બે ફિલ્મ પછી હવે સિદ્ધાર્થ રાંદેરિયાની નવી ફિલ્મમાં તેઓ ગુજ્જુભાઈની નહીં, ઢોકળાવાળાની ભૂમિકામાં જોવા મળશે અને ફિલ્મનું ટાઇટલ પણ એ જ છે, ‘રાજુભાઈ ઢોકળાવાળા.’
વિપુલ મહેતા દિગ્દર્શિત આ ફિલ્મનું શૂટિંગ હજી હમણાં જ ગુજરાતમાં પૂરું થયું. ફિલ્મમાં સિદ્ધાર્થ રાંદેરિયા લીડ કૅરૅક્ટર કરે છે, તો તેમની સાથે સુપ્રિયા પાઠક અને વંદના પાઠક પણ છે તથા ‘તારક મેહતા કા ઉલ્ટા ચશ્મા’માં ટપુ બનીને તહેલકા મચાવી દેનારો ભવ્ય ગાંધી તેમ જ ‘હેલ્લારો’ માટે નૅશનલ અવૉર્ડ જીતનારી શ્રદ્ધા ડાંગર પણ છે.
ADVERTISEMENT
મજાની વાત એ છે કે આ ફિલ્મમાં સિદ્ધાર્થ રાંદેરિયા અને સંજય ગોરડિયા વર્ષો પછી સાથે અને ફિલ્મમાં પહેલી વાર સાથે જોવા મળશે. આ અગાઉ સંજય ગોરડિયા અને સિદ્ધાર્થ રાંદેરિયા ૮૦ના દસકામાં બનેલા નાટક ‘ભાઈ’માં સાથે જોવા મળ્યા હતા, એ પછી બન્નેને સાથે જોવાનો લહાવો ઑડિયન્સને પહેલી વાર મળશે.