રજત વર્માને થયું હેરલાઇન ફ્રૅક્ચર
રજત વર્મા
રજત વર્માને હાલમાં જ હાથમાં હેરલાઇન ફ્રૅક્ચર થયું છે. બે ડિસેમ્બરથી સોની ટીવી પર શરૂ થયેલા ‘બેહદ 2’ કોઈ ને કોઈ કારણોસર ચર્ચામાં રહે છે. આ અગાઉ પણ હાથમાં ઇન્જરી થઈ હતી. આ શોમાં માયાનો લુક પણ સ્ટાઇલ સ્ટેટમેન્ટ બની ગયો છે. તેમ જ પ્રિયંકા ચોપડા જોનસના લુક પરથી પ્રેરિત થઈને પણ જેનિફર વિન્ગેટનો લુક તૈયાર કરવામાં આવ્યો હતો. આ શોમાં રિશીનું પાત્ર રજત વર્મા ભજવી રહ્યો છે. એક દૃશ્યમાં રજતે ગુસ્સામાં ટેબલ પર હાથ પછાડવાનો હોય છે, પરંતુ તે એટલો ગુસ્સામાં પછાડે છે કે તેને ઈજા થઈ જાય છે. આ વિશે રજતે કહ્યું હતું કે ‘આ દૃશ્ય ખૂબ જ ઇન્ટેન્સ હતું અને હું ઇમોશન્સમાં ખોવાઈ ગયો હતો. મેં જેવો ટેબલ પર હાથ પછાડ્યો કે મારી બૉડીમાં એક કરન્ટ દોડી ગયો હતો અને મને દર્દનો અહેસાસ થયો હતો. થોડા સમય બાદ શૂટ પૂરું થયા બાદ મને હૉસ્પિટલમાં ચેકઅપ માટે લઈ જવામાં આવ્યો હતો અને ત્યાં મને ખબર પડી હતી કે હેરલાઇન ફ્રૅક્ચર થયું છે. મને જે જગ્યા પર પહેલાં ફ્રૅક્ચર થયું હતું એ જ જગ્યા પર ફરી થયું છે.’