અભિષેક નિગમ બનશે સબ ટીવીનો નવો સુપરહીરો

Published: May 20, 2020, 19:25 IST | Gujarati Mid-day Correspondent | Mumbai

સબ ટીવીના આગામી શો 'હીરો ગાયબ મોડ ઑન'માં 'પાણીપત' ફેમ અભિષેક નિગમ જોવા મળશે

સબ ટીવી બાળકો માટે ખાસ ફૅન્ટસી શો લૉન્ચ કરવામાં અગ્રેસર રહ્યું છે. ‘બાલવીર’, ‘અલાદીન - નામ તો સુના હોગા’ જેવા શો પૉપ્યુલર બન્યા બાદ ચૅનલ પર ‘હીરો ગાયબ મોડ ઑન’ નામનો શો શરૂ થવાનો છે. આ ફૅન્ટસી ડ્રામામાં અભિષેક નિગમ લીડ રોલમાં જોવા મળશે.

અનેક મ્યુઝિક વિડિયો તેમ જ તાજેતરમાં આવેલી ફિલ્મ ‘પાણીપત’માં અભિનય કરી ચૂકેલો અભિષેક ‘અલાદીન - નામ તો સુના હોગા’ના લીડ સ્ટાર સિદ્ધાર્થ નિગમનો ભાઈ છે. ‘હીરો ગાયબ મોડ ઑન’ને પેનિન્સુલા પિક્ચર્સ પ્રોડ્યુસ કરી રહ્યું છે. આ ટીવી-સિરીઝમાં એક સુપરહીરોની કાલ્પનિક કથા હશે જે ગાયબ થવાની શક્તિ ધરાવે છે અને એલિયન સામે લડીને પૃથ્વીને બચાવે છે. આ ‘હીરો’ બાલવીર કે અલાદીન જેટલો પૉપ્યુલર બને છે કે નહીં એ તો આવનારો સમય જ કહેશે. ‘હીરો ગાયબ મોડ ઑન’ ઉપરાંત સબ ટીવી પર ‘તેરા યાર હૂં મૈં’ નામનો શો પણ શરૂ થવાનો છે.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK