રાઝ કો રાઝ રહેને દો : આમિર ખાન

Published: 30th November, 2012 05:58 IST

આમિરે સોશ્યલ નેટવર્કિંગ સાઇટ પર કરી અપીલ



આમિર ખાનની આગામી ફિલ્મ ‘તલાશ’ સસ્પેન્સ ડ્રામા છે. એ આમિર ખાનની ફિલ્મ હોવાથી એને લગતી તમામ બાબતો ખાનગી રાખવામાં આવી છે. હજી સુધી કોઈને ખબર નથી કે ફિલ્મની વાર્તાનો પ્લૉટ શું છે. એને કારણે આ બાબતે ઘણી ચર્ચાઓ ચાલી રહી છે ત્યારે આમિરે ખુદ સોશ્યલ નેટવર્કિંગ સાઇટ પર દર્શકોને અપીલ કરી છે કે ફિલ્મની ક્લાઇમૅક્સ બાબતે કોઈ જ વાતો છતી કરવામાં ન આવે.

આમિરે પહેલી વાર પોતાના ચાહકોને આવી કોઈ અપીલ કરી છે. તેને લાગે છે કે સસ્પેન્સ ફિલ્મનો એ જ ચાર્મ છે અને આખી ટીમ એ વાત ખાનગી રાખવામાં સફળ થઈ છે એટલે કુતૂહલ ચરમસીમાએ પહોંચ્યું છે. આ સીક્રેટ જાળવી રાખવા માટે કોઈ પ્રીવ્યુ સ્ક્રીનિંગ પણ કરવામાં નહીં આવે. ફિલ્મના કલાકારો અને ક્રૂ-મેમ્બર્સને પણ રિલીઝના આગલા દિવસે રાતે જ ફિલ્મ જોવા મળશે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK