લાલ સિંહ ચઢ્ઢાના શૂટિંગ માટે ટર્કી પહોંચ્યો આમિર
આમિર ખાન તેની ‘લાલ સિંહ ચઢ્ઢા’ના શૂટિંગ માટે ટર્કી પહોંચ્યો છે. દેશ અને દુનિયામાં ચાલી રહેલા કોરોના-સંકટને જોતાં લૉકડાઉન લાગુ કરવામાં આવ્યું છે. જોકે ધીમે-ધીમે શૂટિંગ શરૂ કરવાની પરવાનગી સરકારે આપી છે અને એ પણ સલામતીના નિયમોને ધ્યાનમાં રાખીને. અક્ષયકુમાર હાલમાં તેની ‘બેલ બૉટમ’ના શૂટિંગ માટે લંડન ગયો છે. દીપિકા પાદુકોણ પણ તેની ફિલ્મના શૂટિંગ માટે શ્રીલંકા જવાની છે. ભીડવાળાં સ્થળોએ શૂટિંગ શરૂ કરવા માટે હજી સમય લાગશે એથી ફૉરેન લોકેશન પર જઈને શૂટિંગ શરૂ કરવામાં આવ્યુ છે. ‘લાલ સિંહ ચઢ્ઢા’ આમિર ખાનની મહાત્ત્વાકાંક્ષી ફિલ્મોમાંની એક છે. આ ફિલ્મમાં કરીના કપૂર ખાન પણ જોવા મળશે. આમિર ખાન ચૂપચાપ દેશ છોડીને ટર્કી પહોંચી ગયો છે.