આહના કુમરાને સ્પોર્ટ્સ ફિલ્મમાં કામ કરવું છે
આહના કુમરા
આહના કુમરાને સ્પોર્ટ્સ ફિલ્મમાં કામ કરવાની ઇચ્છા છે. લૉકડાઉન દરમ્યાન તેણે ફિઝિકલ ફિટનેસ પર ખાસ ધ્યાન આપ્યું હતું. એથી એવા રોલ કરવા માટે તે સજ્જ છે. એ વિશે વધુ જણાવતાં આહનાએ કહ્યું હતું કે ‘અમારા માટે હાલ આ સારો તબક્કો ચાલી રહ્યો છે કે અમે અલગ કૅરૅક્ટર્સને એક્સપ્લોર કરી શકીએ છીએ અને એના માટે ડિજિટલ પ્લૅટફૉર્મ પર આવેલી ક્રાન્તિને શ્રેય જાય છે. જોકે મને લાગે છે કે યુવતીઓને ઍથ્લીટ્સનું પાત્ર ભજવવાની ખૂબ
ઓછી તકો મળે છે. મને સ્પોર્ટ્સ સ્ટારની ભૂમિકા ભજવવી છે જેના માટે મને ફિઝિકલ ટ્રાન્સફૉર્મેશન કરવાનો ચાન્સ મળે. મહિલાઓ માટેની સ્પોર્ટ્સ ફિલ્મો ખૂબ ઓછી બને છે. મોટા ભાગનાં મહિલાઓનાં પાત્રો ગ્લૅમરસ લખવામાં આવે છે. એ પણ મને ગમે છે. જોકે મારી ઇચ્છા છે કે રાઇટર્સ અને ડિરેક્ટર્સ આ વિષય પર પણ મહિલાઓ માટે સ્ટોરીઝ લખે.’