47 ધનસુખ ભવનઃસુપરનેચરલ ગુજરાતી ફિલ્મનું પોસ્ટર રિલીઝ

અમદાવાદ | Jun 16, 2019, 18:07 IST

47 ધનસુખ ભવન નામની આ ફિલ્મનું પોસ્ટર રિલીઝ થઈ ચૂક્યુ છે. જુલાઈમાં રિલીઝ થનારી ફિલ્મ 47 ધનસુખ ભવનનું પોસ્ટર સોશિયલ મીડિયા પર રિલીઝ કરી દેવાયું છે.

47 ધનસુખ ભવનઃસુપરનેચરલ ગુજરાતી ફિલ્મનું પોસ્ટર રિલીઝ

અર્બન ગુજરાતી ફિલ્મોમાં હમણા જુદા જુદા એક્સપેરિમેન્ટ થઈ રહ્યા છે. આવો જ એક એક્સપેરિમેન્ટ લઈને નવી ગુજરાતી ફિલ્મ આવી રહી છે. 47 ધનસુખ ભવન નામની આ ફિલ્મનું પોસ્ટર રિલીઝ થઈ ચૂક્યુ છે. જુલાઈમાં રિલીઝ થનારી ફિલ્મ 47 ધનસુખ ભવનનું પોસ્ટર સોશિયલ મીડિયા પર રિલીઝ કરી દેવાયું છે. આ ફિલ્મને નૈતિક રાવલ ડિરેક્ટ કરી રહ્યા છે. ફિલ્મની સ્ટોરી પણ નૈતિક રાવલે જ લખી છે.

આવું છે ફિલ્મનું પોસ્ટર

ચર્ચા છે કે ગુજરાતી ફિલ્મ ઈન્ડસ્ટ્રીન આ સંભવતઃ પહેલી સુપરનેચરલ ફિલ્મ છે. ફિલ્મના પોસ્ટર પરથી લાગી રહ્યું છે કે આ એક હોરર ગુજરાતી ફિલ્મ હોઈ શકે છે. ફિલ્મના પોસ્ટરમાં ગૌરવ પાસવાલા, રિશી વ્યાસ અને શ્યામ નાયર દેખાઈ રહ્યા છે. આ ત્રણેય એક્ટર્સની પાછળ એક ખંડેર જેવું બિલ્ડિંગ દેખાઈ રહ્યું છે. પોસ્ટર જોતા લાગે છે કે આ એક સુપરનેચરલ હોરર ફિલ્મ હશે. જો કે ફિલ્મની સ્ટોરી અંગે કોઈ ખુલાસો નથી થયો.

આ પણ વાંચોઃ Fahters Day:જુઓ જાણીતા ગુજરાતી સેલેબ્સના તેમના પપ્પા સાથેની ખાસ મોમેન્ટ્સ

26 જુલાઈએ રિલીઝ થશે ફિલ્મ

ફિલ્મ 26 જુલાઈએ રિલીઝ થવાની છે. ફિલ્મના પોસ્ટરમાં જ આ તારીખ જાહેર કરી દેવાઈ છે. 47 ધનસુખ બવનના રાઈટર ડિરેક્ટર નૈતિક રાવલ આ પહેલા પણ બે ગુજરાતી ફિલ્મો આપી ચૂક્યા છે. 2011માં આવેલી ચાર અને 2016માં તેમણે જે પણ કહીશ એ સાચું જ કહીશ ફિલ્મ ડિરેક્ટ કરી હતી. આ ઉપરાંત તેઓ કેટલીક હિન્દી સિરીયલોમાં પણ કામ કરી ચૂક્યા છે. તો એક્ટર ગૌરવ પાસવાલા છેલ્લે 'ઓર્ડર ઓર્ડર આઉટ ઓફ ઓર્ડર' નામની કોર્ટરૂમ ડ્રામા ગુજરાતી ફિલ્મમાં દેખાયા હતા.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK