૨૧ દિવસના લૉકડાઉનથી આપણો દેશ આર્થિક રીતે 2 વર્ષ પાછળ જશે:કંગના રનોટ

Published: Mar 30, 2020, 14:57 IST | IANS | Mumbai Desk

કંગના હાલમાં મનાલીમાં ફૅમિલી સાથે સમય પસાર કરી રહી છે. આ સ્થિતિને લઈને તેનું એમ પણ કહેવું છે કે આ સ્થિતિ કદાચ બાયો વૉરનું સ્થાન પણ લઈ શકે છે

કંગના રનોટનું માનવું છે કે દેશમાં ૨૧ દિવસનું લૉકડાઉન થતાં આપણો દેશ આર્થિક રીતે બે વર્ષ પાછળ ચાલ્યો જશે. કોરોના વાઇરસને કારણે દેશમાં આ બંધી લાગુ કરવામાં આવી છે. કંગના હાલમાં મનાલીમાં ફૅમિલી સાથે સમય પસાર કરી રહી છે. આ સ્થિતિને લઈને તેનું એમ પણ કહેવું છે કે આ સ્થિતિ કદાચ બાયો વૉરનું સ્થાન પણ લઈ શકે છે. એ વિશે કંગનાએ કહ્યું હતું કે આપણને અર્થવ્યવસ્થાની એટલી તો ચિંતા થઈ રહી છે કે આપણે એ લોકોનો વિચાર કરવાનું ભૂલી ગયા છીએ જેમની પાસે હાલમાં કશું જ નથી. આ કદાચ બાયો વૉર બની શકે છે કે જેમાં વિવિધ દેશો એકબીજાની અર્થવ્યવસ્થાને પછાડવાનો પ્રયાસ કરી રહ્યા છે. આપણે એ વિચારવું જોઈએ કે એક દેશ તરીકે આપણે ક્યાં જઈ રહ્યા છીએ. આપણે આપણી લાલચ કેમ નથી છોડી રહ્યા. આ ૨૧ દિવસની તાળાબંધીથી આપણો દેશ આર્થિક રીતે બે વર્ષ પાછળ ચાલ્યો જશે. ૨૧ દિવસથી વધુ જો આ લૉકડાઉન રહ્યું તો આપણા દેશ માટે વિનાશકારી સ્થિતિ સર્જાશે, કારણ કે આપણે વિકાસશીલ દેશ છીએ.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK