અતુલ કુલકર્ણીનું કહેવું છે કે જો કોઈ ફિલ્મ સફળ થાય તો એનું શ્રેય આખી ટીમને જાય છે.
અતુલ કુલકુર્ણી
અતુલ કુલકર્ણીનું કહેવું છે કે જો કોઈ ફિલ્મ સફળ થાય તો એનું શ્રેય આખી ટીમને જાય છે. નાગેશ કુકુનુરની પૉલિટિકલ ડ્રામા વેબ-સિરીઝ ‘સિટી ઑફ ડ્રીમ્સ’ હાલમાં રિલીઝ થઈ છે. ડિઝની+હૉટસ્ટાર પર આવતી આ સિરીઝમાં અતુલ કુલકર્ણી, સચિન પિળગાવકર, એજાઝ ખાન અને સુશાંત સિંહ પણ જોવા મળી રહ્યો છે. ફિલ્મ વિશે અતુલ કુલકર્ણીએ કહ્યું કે ‘મારું હંમેશાં એવું માનવું રહ્યું છે કે ફિલ્મમેકિંગ એ એક પ્રકારનો સહયોગ છે. આ કંઈ એવું નથી કે કોઈ એક વ્યક્તિ તમામને આદેશ આપે છે. એ પછી ડિરેક્ટર હોય કે ઍક્ટર કે હોય કે પછી અન્ય કોઈ પણ હોઈ શકે છે. જો કામને ખૂબ ઉત્કૃષ્ટતાથી કરવામાં આવે તો એ ‘સિટી ઑફ ડ્રીમ્સ’ જેટલી સફળતા મેળવે છે. નાગેશ અને હું ખૂબ જૂના ફ્રેન્ડ્સ છીએ. અમે એકબીજાના કામને જોતા આવ્યા છીએ અને એના વિશે ચર્ચા પણ કરીએ છીએ. અમને ઘણા વખતથી સાથે કામ કરવાની ઇચ્છા હતી. અમારી પાસે જ્યારે આ તક આવી એટલે અમે બન્ને ખૂબ ખુશ થયા હતા.’