એક્ટ્રેસ પ્રિયામણી હાલ પોતાની તાજેતરમાં રિલીઝ થયેલી વેબસીરિઝ `ધ ફેમિલી મેન 2`ને લઈને ચર્ચામાં છે. એક સમયે તેમની કેમિસ્ટ્રીને શાહરુખ ખાન સાથે પણ વખાણવામાં આવી હતી.
તસવીર સૌજન્ય મિડ-ડે
સાઉથની જાણીતી અભિનેત્રી પ્રિયામણી હાલ પોતાની વેબ સીરિઝ `ધ ફેમિલી મેન 2`ને લઈને ચર્ચામાં છે. આમાં તે મનોજ બાજપાઇની પત્ની સૂચિની પાત્રમાં છે જે ખૂબ જ લોકપ્રિય થઈ રહ્યું છે. આ પહેલા તે શાહરુખ ખાન સાથે ફિલ્મ ચેન્નઇ એક્સપ્રેસના ગીત `1234 ગેટ ઑન ધ ડાન્સ ફ્લૉર`માં દેખાઇ ચૂકી છે. તાજેતરમાં જ તેણે શાહરુખ ખાન સાથે કામ કરવાનો પોતાનો અનુભવ શૅર કર્યો. અભિનેત્રીએ શું કહ્યું તે જાણો અહીં...
શાહરુખ અને પ્રિયામણીની કૅમિસ્ટ્રી જબરજસ્ત
ગીતમાં શાહરુખ અને પ્રિયામણીની કૅમિસ્ટ્રી ચાહકોને ખૂબ જ પસંદ આવી હતી. એક્ટ્રેસના ડાન્સ મૂવ્સને પછી તમામ લોકોએ કૉપી કર્યા. તાજેતરમાં જ એક ઇન્ટરવ્યૂમાં ગીતના શૂટને યાદ કરતા તેણે કિંગ ખાનના વખાણ કર્યા. એક્ટ્રેસે જણાવ્યું કે તે સમયે એક્ટરે તેને 300 રૂપિયા આપ્યા હતા.
ADVERTISEMENT
સફળતાને માથે ચડવા નથી આપતા શાહરુખ
પ્રિયામણીએ કહ્યું, "શાહરુખ ખાન સાથે કામ કરવાનો અનુભવ ખૂબ જ સારો રહ્યો. હું ન તો એક્ટર પણ એક સારી વ્યક્તિ તરીકે પણ તેમની પ્રશંસક છું. અમે 5 રાત સુધી તે ગીતનું શૂટિંગ કર્યું. શાહરુખ એમ જ બૉલિવૂડના બાદશાહ નથી. તે દેશના સૌથી મોટા સુપરસ્ટાર્સમાંના એક છે. તે માથે સક્સેસ ચડવા નથી દેતા."
શાહરુખે બધાને કમ્ફર્ટેબલ રાખ્યા
પ્રિયામણી કહે છે કે, "જ્યારે અમે શૂટિંગ કરતા હતા, શાહરુખે બધાની સાથે એક દમ નૉર્મલ હતા. તેમણે બધાને કમ્ફર્ટેબલ રાખ્યા. મને લાગે છે તેમની પર્સનાલિટી, તેમની પ્રતિભા એવી છે કે તમે તેમને હજી વધારે પ્રેમ કરવા માંડો. શાહરુખે મને પહેલા દિવસે ખૂબ જ સહજ અનુભવ કરાવ્યો. શૂટના એક દિવસ પહેલા હું લોકેશન પર પહોંચી ગઈ હતી. શૂટિંગ ખતમ થયા સુધી તે ત્યાં જ હતા. તેમણે બધાનું ખૂબ જ સારી રીતે ધ્યાન રાખ્યું. આ દરમિયાન અમે તેમના આઇપેડ પર કૌન બનેગા કરોડપતિ પણ રમ્યા. તેમણે મને 300 રૂપિયા આપ્યા હતા જે આજે પણ મારા વૉલેટમાં છે. તે ફક્ત તમને કમ્ફર્ટેબલ ફીલ કરાવતા રહે છે."
View this post on Instagram
બીજા એક્ટર્સ જેવા નથી કિંગ ખાન
એક્ટ્રેસે આગળ જણાવ્યું, "સામાન્ય રીતે એક્ટર્સ ઓવરનાઇટ શૂટ કરે છે અને સવારે રેપ-અપ કરી દે છે. ત્યાર પછી તે પોત-પોતાના હોટેલ્સમાં જઈને સૂઇ જાય છે. જો કે, શાહરુખ આથી સાવ જુદાં છે. તો કોરિયોગ્રાફર્સના અસિસ્ટન્ટ સાથે લાગી જાય છે અને બીજા દિવસની કોરિયોગ્રાફી શીખે છે. તે અડધો કલાક આ સમજતા અને પછી પાછાં જતા હતા."
શાહરુખ ખાન છે હાર્ડવર્કિંગ
પ્રિયામણી પ્રમાણે, "એટલું જ નહીં, શૉટ વચ્ચે પણ અસિસ્ટન્ટ્સ આવીને શાહરુખને સ્ટેપ્સ શીખવતા હતા જેથી સમય વ્યર્થ ન જાય અને દિવસ માટે જે પ્લાન કર્યું હતું, કે બરાબર રીતે શૉટ થઈ જાય. તેમના જેવા માણસને આ કરવાની જરૂર નથી પણ આ તેમની નમ્રતા બતાવે છે. તે ખૂબ જ હાર્ડવર્કિગ છે અને આ જ કારણ છે કે મને તે ખૂબ જ ગમે છે."