ગુજરાતી વૅબ સિરીઝમાં જીનલ બેલાણી અને ઓજસ રાવલ મુખ્ય ભૂમિકામાં છે
`હું તને મળીશ`નું પોસ્ટર
દર્શકોના મનોરંજન માટે ગુજરાતી ફિલ્મ ઈન્ડસ્ટ્રીમાં કંઈકને કંઈક નવું લાવવાનો પ્રયત્ન કરી રહ્યાં છે. ત્યારે દર્શકોના મનોરંજન માટે જય વ્યાસ પ્રોડક્શન યૂટ્યૂબ એક નવી વૅબ સિરીઝ લઈને આવી રહ્યાં છે. જેનું નામ છે, `હું તને મળીશ`. આ વૅબ સિરીઝનું પોસ્ટર થોડાક સમય પહેલાં રિલીઝ થયું હતું અને ત્યારથી જ દર્શકો ટ્રેલરની પણ રાહ જોઈ રહ્યાં હતા. હવે ટ્રેલર પણ રિલીઝ થઈ ગયું છે. આ વૅબ સિરીઝમાં જિનલ બેલાણી અને ઓજસ રાવલ મુખ્ય ભૂમિકામાં છે. તે સિવાય સોનાલી લેલે પણ જોવા મળશે અને મહેમાન કલાકાર તરીકે અભિનેતા ગૌરવ પાસવાલા દેખાશે.
અહીં જુઓ ટ્રેલરઃ
ADVERTISEMENT
આ વૅબ સિરીઝની ખાસ વાત એ છે કે, ગુજરાતી વૅબ સિરીઝમાં પ્રથમવાર હિન્દી ગીત સાંભળવા મળશે. આ હિન્દી ગીતને બૉલિવૂડ ગાયક દિગ્વિજયસિંહે સ્વર આપ્યો છે અને ગીતના શબ્દો મશહૂર ઉર્દુ લેખક રેહાન અહેમદના છે. `હું તને મળીશ`નું શૂટિંગ ગત વર્ષે અનલૉક દરમિયાન કરવામાં આવ્યું હતું અને રિલીઝ હવે એક વર્ષ બાદ એટલે કે આ મહિનાની ૧૯ તારીખે રિલીઝ થશે.
`હું તને મળીશ`ના લેખક સંદીપ દવે છે. તેમણે સ્ટોરી, સ્ક્રીનપ્લે અને ડાયલોગ લખ્યા છે. જ્યારે ડિરેક્ટ હેનીલ ગાંધીએ કરી છે. વૅબ સિરીઝમાં મ્યુઝીક અને બેકગ્રાઉન્ડ સ્કોર રાહુલ રમેશે આપ્યું છે. જય વ્યાસ પ્રોડક્શન અને ડ્રિમ સંવાદ મીડિયા દ્વારા પ્રોડ્યુસ કરવામાં આવેલી આ વૅબ સિરીઝમાં ફોટોગ્રાફી ડીરેક્ટર શુભમ ગજ્જર છે અને એડિટિંગ જય મહેતાએ કર્યું છે. તેમજ પ્રોડક્શન હેડ અકીબ ગરાના અને સિદ્ધાર્થ વ્યાસ છે.