બમ્બલની યુટ્યુબ ચૅનલ પર આ શોને રિલીઝ કરવામાં આવી રહ્યો છે, જેના નવા એપિસોડમાં વિજય વર્મા જોવા મળશે.
વિજય વર્મા
વિજય વર્માનું કહેવું છે કે આજના સમયમાં કોઈને પણ પૂરતો સમય આપવો એ પ્રેમ દેખાડે છે. વિજય વર્મા હાલમાં જ ‘બમ્બલ્સ ડેટિંગ ધિસ નાઇટ્સ’માં ડિજિટલ કન્ટેન્ટ ક્રીએટર શ્રૃષ્ટિ દિક્ષિત સાથે જોવા મળ્યો હતો. આ શોમાં મૉર્ડન જમાનામાં ડેટિંગ વિશે વાત કરવામાં આવી રહી છે. બમ્બલની યુટ્યુબ ચૅનલ પર આ શોને રિલીઝ કરવામાં આવી રહ્યો છે, જેના નવા એપિસોડમાં વિજય વર્મા જોવા મળશે. આ શોમાં શ્રૃષ્ટિ દિક્ષિતે કહ્યું હતું કે ‘જો સિરિયસ રિલેશનશિપ હોય તો પૈસાની વાત હોય ત્યારે કોઈ મર્યાદા નથી હોતી. આજે દરેક એક સરખા છે. રિલેશનશિપમાં પૈસાની વાત હોય ત્યારે પુરુષ જેટલી જ મહિલાઓ પણ મદદ કરતી હોય છે. જોકે મારું માનવું છે કે મહિલાઓ પાસે બાય-બાય ફન્ડ હોવું જોઈએ. જો કોઈ મહિલા ઍબ્યુઝિવ રિલેશનશિપમાં હોય પછી એ જે-તે વ્યક્તિ સાથે હોય કે ફૅમિલી સાથે હોય તો તેણે એમાંથી બહાર નીકળવું જોઈએ. તે ઇન્ડિપેન્ડન્ટ હોય એ માટે તેની પૂરતી તૈયારી હોવી જોઈએ.’
આ વિશે વિજય વર્માએ કહ્યું હતું કે ‘મને લાગે છે કે આ ખૂબ જ સારી વાત છે. તમે જો કોઈ વ્યક્તિ સાથે પૂરી ઉંમર વિતાવવાનું વિચારી રહ્યા હોય તો તમારે તેની સાથે એ વિશેની ચર્ચા કરવી જોઈએ કે તમે અત્યારે ક્યાં છો. તમને રિલેશનશિપમાં શું જોઈએ છે અને જો આ રિલેશનશિપ આગળ ન વધી શકી તો એ વિશે પણ તમારે ચર્ચા કરવી જોઈએ.’ આજના સમયમાં પ્રેમ કોને કહેવાય એ વિશે વિજય વર્માએ કહ્યું કે ‘આજે તમે વ્યક્તિને પૂરતો સમય આપો છો, ખાસ કરીને મુંબઈ જેવા શહેરમાં તો પણ એ પ્રેમ જ છે. મને લાગે છે કે પૂરતો સમય આપવો પણ પ્રેમ છે.’