હું મુંબઈમાં ઍક્ટ્રેસ તરીકે કામ કરી રહી હતી, પરંતુ હું તેમને કોઈ દિવસ શાંતિથી મળી નહોતી અને તેમની સાથે કામ પણ નહોતું કર્યું. જોકે તેમની સાથે કામ કરવાની મારી ઇચ્છા હતી
સાક્ષી તનવર
સાક્ષી તનવરનું કહેવું છે કે ‘ડાયલ 100’ને કારણે તેને કૉલેજના દિવસો યાદ આવી ગયા હતા. તેણે ફિલ્મ ‘ડાયલ 100’માં મનોજ બાજપાઈ સાથે કામ કર્યું હતું. તેઓ કૉલેજના દિવસથી એકમેકને ઓળખતાં હતાં. આ વિશે વાત કરતાં સાક્ષી તનવરે કહ્યું હતું કે ‘મનોજ સર સાથે કામ કરવું મારા માટે આ ખૂબ જ સ્પેશ્યલ અને ઇમોશનલ મોમેન્ટ હતી. હું દિલ્હીની લેડી શ્રી રામ કૉલેજમાં હતી જ્યાં અમે સ્ટ્રીટ પ્લેમાં કામ કરી રહ્યાં હતાં જેને મનોજ સરે ડિરેક્ટ કર્યું હતું. આ ૩૦ વર્ષ પહેલાંની વાત છે જ્યારે હું સ્ટુડન્ટ હતી. ત્યાર બાદ તેઓ તરત મુંબઈ આવી ગયા હતા અને ‘સત્યા’ રિલીઝ થઈ હતી. એ સમયે હું લોકોને કહેતી કે હું તેમને ઓળખું છું. તેઓ મારા પહેલા ડિરેક્ટર હતા અને હું જ્યારે ઍક્ટ્રેસ બનીશ ત્યારે તેમને મળીશ. હું મુંબઈમાં ઍક્ટ્રેસ તરીકે કામ કરી રહી હતી, પરંતુ હું તેમને કોઈ દિવસ શાંતિથી મળી નહોતી અને તેમની સાથે કામ પણ નહોતું કર્યું. જોકે તેમની સાથે કામ કરવાની મારી ઇચ્છા હતી. હું તેમને મળીને કહેવા માગતી હતી કે સર, તમે મને ઓળખો છો? હું એ જ વ્યક્તિ છું જેને તમે સ્ટ્રીટ પ્લેમાં ડિરેક્ટ કરી હતી.’