ધર્મેશસરે પોતાની કરીઅર આ ડાન્સ જોડીના શોથી શરૂ કરી હતી
ધર્મેશ યેલાન્ડે જાવેદ જાફરી અને નાવેદ જાફરી સાથે
કલર્સ ટીવીના રિયલિટી શો ‘ડાન્સ દીવાને’ની ત્રીજી સીઝનમાં જજ તરીકે જોવા મળતા ધર્મેશ યેલાન્ડેને તમે આ શનિ–રવિએ શોમાં જાવેદ જાફરી અને નાવેદ જાફરીનો આભાર માનતા જોશો. હા, ધર્મેશસરે શો દરમ્યાન જાવેદ-નાવેદને કહ્યું કે હું આજે જે કંઈ છું એ તમારે લીધે છે. બન્યું એમાં એવું હતું કે કરીઅરની શરૂઆત નહોતી થઈ ત્યારે ધર્મેશ જાવેદ અને નાવેદના સોની ટીવીના ડાન્સ શોમાં સિલેક્ટ થયો હતો અને એ શોમાં તેને પહેલી વાર એક્સપોઝર મળ્યું હતું.
ધર્મેશસરે કહ્યું હતું, ‘જાવેદસર-નાવેદસરને લીધે મને સફળતાનું પહેલું પગલું ભરવા મળ્યું અને પછી મારા માટે સ્કાય-ઇઝ-ધ–લિમિટ જેવા દિવસો આવી ગયા. જો એ સમયે જાવેદસર અને નાવેદસરે મને એન્કરેજ ન કર્યો હતો તો હું આજે બરોડામાં એકાદ સ્ટોરમાં સેલ્સમૅન હોત.’
