આ સાથે તેમણે મીડિયામાં તેમના વિશે ચાલી રહેલા અનેક પ્રકારના સમાચારોનું પણ ખંડન કર્યું છે
ફાઇલ તસવીર
`તારક મહેતા કા ઉલ્ટા ચશ્મા` (Taarak Mehta Ka Ooltah Chashmah)ના ‘ચંપક ચાચા’ (Champak Chacha) એટલે કે અમિત ભટ્ટ (Amit Bhatt) થોડા દિવસોથી સમાચારોમાં છે. તાજેતરમાં, સમાચાર સામે આવ્યા હતા કે અમિત ભટ્ટને સીરિયલના શૂટિંગ દરમિયાન સેટ પર ઇજા થઈ હતી. સાથે જ તેમને બેડ રેસ્ટની સલાહ આપવામાં આવી હતી. હવે આ સમાચાર પર પહેલીવાર અમિત ભટ્ટ પોતે આગળ આવી અને નિવેદન આપ્યું છે. અમિતે ચાહકોને તેમના સ્વાસ્થ્ય વિશે માહિતી આપી છે.
તાજેતરમાં અમિત ભટ્ટે ઇન્સ્ટાગ્રામ પર એક વીડિયો શેર કરીને પોતાની તબિયત વિશે અપડેટ આપ્યું છે. આ સાથે તેમણે મીડિયામાં તેમના વિશે ચાલી રહેલા અનેક પ્રકારના સમાચારોનું પણ ખંડન કર્યું છે. આ વીડિયોમાં અમિત ભટ્ટ તેમની ઑફિસની ખુરશી પર બેઠેલા જોવા મળી રહ્યા છે. વીડિયોમાં અમિત કહી રહ્યો છે “કેમ છો બધા. હું એકદમ ઠીક છું. હું તમારા બધાની સામે છું. બે દિવસથી સોશિયલ મીડિયા અને મીડિયામાં એવી ઘણી વાતો ફરતી થઈ રહી છે કે ચંપક ચાચાનો અકસ્માત થયો છે.”
ADVERTISEMENT
અભિનેતા વધુમાં કહે છે કે “હું આ વાત દરેક સાથે શેર કરવા માગુ છું કે આવું કંઈ નથી. એક સીન હતો જેમાં સોઢીની જીપનું ટાયર નીકળી જાય છે અને અમે બધા તેની પાછળ દોડીએ છીએ. પછી આ ટાયર ઉછળીને મારા ઘૂંટણ સાથે અથડાય છે, જેના કારણે નાની-મોટી ઈજા થઈ છે, જે ટૂંક સમયમાં ઠીક થઈ જશે.”
View this post on Instagram
અમિત ભટ્ટે વધુમાં જણાવ્યું કે ડૉક્ટરોએ તેમને થોડા દિવસ આરામ કરવાનું કહ્યું છે, પરંતુ હવે તે ટૂંક સમયમાં શૂટિંગ પર પાછા ફરશે. દરમિયાન, અભિનેતા બધાને યાદ કરી રહ્યો છે. અભિનેતાના આ વીડિયોએ મીડિયામાં ચાલી રહેલા તમામ સમાચારોને ફગાવી દીધા છે.
આ પણ વાંચો: World Television Day: એક એવો શૉ જેણે અમેરિકામાં જાળવી રાખી ટીવીની લોકપ્રિયતા
