° °

આજનું ઇ-પેપર
Thursday, 13 May, 2021


પોપટલાલનાં લગ્નમાં દયાબેનના આવવાના કોઈ પણ ચાન્સ નથી

04 May, 2021 11:53 AM IST | Mumbai | Gujarati Mid-day Correspondent

હંમેશાં આ શોમાં તેના આવવાની ચર્ચાઓ ચાલ્યા કરે છે, સૌકોઈ તેની રાહ જુએ છે

દિશા વાકાણી

દિશા વાકાણી

‘તારક મેહતા કા ઉલ્ટા ચશ્મા’ને દયાબેન એટલે કે દિશા વાકાણી વગર ચલાવવામાં મેકર્સને કોઈ વાંધો નથી. દયાબેન ઘણાં વર્ષોથી આ સિરિયલમાં નથી દેખાઈ રહી. હંમેશાં આ શોમાં તેના આવવાની ચર્ચાઓ ચાલ્યા કરે છે. સૌકોઈ તેની રાહ જુએ છે. જોકે શોમાં પાછા ન ફરવાનું નક્કર કારણ જાણી નથી શકાયું. તાજેતરમાં કોરોનાને કારણે સિનિયર કલાકારોના શૂટિંગ પર પ્રતિબંધ લગાવવામાં આવ્યો છે. એથી આ શોમાં નટુકાકાનું પાત્ર ભજવતા ઘનશ્યામ નાયક પણ નથી દેખાતા. એ વિશે શોના મેકર અસિત મોદીએ કહ્યું હતું કે ‘નટુકાકા વરિષ્ઠ નાગરિક છે અને તેઓ પોતાની બીમારીમાંથી સ્વસ્થ થઈ રહ્યા છે. જોકે આ મહામારીને કારણે મને લાગે છે કે તેમણે ઘરે જ રહેવું જોઈએ અને તમામ નિયમોનું પાલન કરવું જોઈએ. સ્થિતિ જ્યારે સામાન્ય બની જશે ત્યારે અમે તેમને પાછા લાવીશું. સાથે જ પોપટલાલનાં લગ્ન પણ અગત્યનાં છે, પરંતુ વર્તમાન સ્થિતિને જોતાં રાહ જોવી પડશે.’

બીજી તરફ દયા વિશે અસિત મોદીએ કહ્યું હતું કે ‘મને લાગે છે કે હવે તો મારે જ દયા બની જવું જોઈએ. શોમાં તે પાછી આવે એવા સવાલો ઘણાં વર્ષોથી કરવામાં આવી રહ્યા છે. અમે પણ તેના આવવાની રાહ જોઈ રહ્યા છીએ. જો તેને આ શો છોડવો હોય તો નવી દયાને લાવીને પણ શો તો ચાલતો જ રહેશે. હાલમાં તો પોપટલાલનાં લગ્નમાં દયાને લાવવા માટેની કોઈ શક્યતા નથી. આ મહામારીમાં અનેક ગંભીર મુદ્દાઓ છે અને એના પર ધ્યાન દોરવું અગત્યનું છે.’

04 May, 2021 11:53 AM IST | Mumbai | Gujarati Mid-day Correspondent

અન્ય લેખો

ટેલિવિઝન સમાચાર

રાઘવ જુયાલના સપોર્ટમાં આવ્યું ખાસલા એડ

ઉત્તરાખંડમાં ઑક્સિજન કૉન્સન્ટ્રેટર્સ, સિલિન્ડર અને જરૂરી મદદ પહોંચાડી

13 May, 2021 12:18 IST | Mumbai | Gujarati Mid-day Online Correspondent
ટેલિવિઝન સમાચાર

અભિનવ કોહલીએ કરેલી મારપીટનો વિડિયો જોઈને શ્વેતા તિવારીના સપોર્ટમાં આવી એકતા કપૂર

હાલમાં શ્વેતા ‘ખતરોં કે ખિલાડી 11’માં ભાગ લેવા માટે સાઉથ આફ્રિકાના કેપટાઉનમાં છે

13 May, 2021 12:04 IST | Mumbai | Gujarati Mid-day Correspondent
ટેલિવિઝન સમાચાર

સ્ત્રીઓએ ફાઇનૅન્શિયલી સ્ટ્રૉન્ગ બનવું પડશે

આવું કહેવું છે ‘ઇશ્ક પર ઝોર નહીં’ની ‘ઇશ્કી’ એટલે કે ઍક્ટ્રેસ અક્ષિતા મુદગલનું

13 May, 2021 11:45 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK