શાહબાઝે એક વીડિયો શેર કર્યો છે, જેમાં તેણે પોતાની બહેનની બિગ બૉસની સફરને યાદ કરી છે, જ્યારે તે તેની બહેનને સપોર્ટ કરવા માટે ઘરમાં પ્રવેશ્યો હતો
શહેનાઝ ગિલ - ઇન્સ્ટાગ્રામ
શહેનાઝ ગિલ (Shehnaaz Gill) મૂળે પંજાબની છે અને ત્યાંની કેટરિના કૈફ કહેવાય છે. તેણે પોતાના કામથી લોકોના દિલ જીતી લીધાં છે. 27 જાન્યુઆરી તેનો જન્મદિવસ છે. શહેનાઝ સિદ્ધાર્થ શુક્લાના (Sidharth Shukla) ગળાડુબ પ્રેમમાં હતી અને એક્ટરના અચાનક મૃત્યુ પછી તેને જિંદગી વિખેરાઇ ગઇ. સિદ્ધાર્થના મોત પછી તેનો આ પહેલો જન્મદિવસ છે.
આજે શહેનાઝના ભાઈ શાહબાઝે તેની બહેનનો એક વીડિયો શેર કર્યો છે, જે ખૂબ જ વાયરલ થઈ રહ્યો છે. શહેનાઝ ગિલ આજે 28 વર્ષની થઈ ગઈ છે. શાહબાઝે એક વીડિયો શેર કર્યો છે, જેમાં તેણે પોતાની બહેનની બિગ બૉસની સફરને યાદ કરી છે, જ્યારે તે તેની બહેનને સપોર્ટ કરવા માટે ઘરમાં પ્રવેશ્યો હતો. તમે જોઈ શકો છો કે આ વીડિયોમાં તેણે પોતાનું ગીત મૂક્યું છે. ગીતના બોલ છે- `મેં તેરા ભાઈ તુ મેરી બેહના`.
ADVERTISEMENT
View this post on Instagram
શાહબાઝે પોતાની બહેનને આ ખાસ દિવસે સ્પેશયલ ફીલ કરાવવાનું ટ્રાય કર્યો છે. જ્યારે ભાઈએ કેપ્શનમાં લખ્યું- `હેપ્પી બર્થડે મારી બહેન... હું ગર્વથી કહી શકું છું તારા વિના કે હું કંઈ નથી. લવ યુ. આશીર્વાદ હંમેશા તમારી સાથે રહે… રબ કરે તેનુ મેરી વી ઉંમર લગ જાયે. આ સાથે તેણે કેટલાક ઈમોજી પણ શેર કર્યા છે. આપ સૌને એ પણ જણાવી દઈએ કે શહનાઝ ગિલ ટૂંક સમયમાં ફરી એકવાર બિગ બોસમાં જોવા મળવાની છે. વળી બિગ બૉસ સીઝન 15 ના ફિનાલેમાં, સના તેના મિત્ર સિદ્ધાર્થ શુક્લાને શ્રદ્ધાંજલિ આપવા પહોંચશે. હાલમાં જ આ શોનો પ્રોમો સામે આવ્યો છે, જેને જોઈને ચાહકોની ગળગળા થઇ ગયા છે.
