ફિક્શન સિરીઝમાં રિયલ લાઇફ પાત્ર તરીકે ડેબ્યુ કરશે સાનિયા મિર્ઝા
ફિક્શન સિરીઝમાં રિયલ લાઇફ પાત્ર તરીકે ડેબ્યુ કરશે સાનિયા મિર્ઝા
સાનિયા મિર્ઝા ટીબી માટે અવેરનેસ ફેલાવતા એક ફિક્શન વેબ-શોમાં તેના રિયલ લાઇફ પાત્ર તરીકે ડેબ્યુ કરી રહી છે. એમટીવીની ‘નિશેધ અલોન ટુગેધર’માં તે જોવા મળશે. ‘એમટીવી નિશેધ’ના ડિજિટલ સ્પિન-ઑફ શોમાં તે જોવા મળશે. કોરોના વાઇરસના સમયમાં ટીબીના પેશન્ટ દ્વારા કેવી કાળજી લેવી એની આ શોમાં વાત કરવામાં આવશે. આ વિશે સાનિયાએ કહ્યું હતું કે ‘આપણા દેશમાં ટીબી હજી પણ ખૂબ જ ગંભીર બીમારી છે. આ તમામ કેસમાં અડધાથી વધુ કેસમાં 30થી નીચેની ઉંમરની વ્યક્તિઓ હોવાથી આ બીમારીને ગંભીરતાથી લેવાની જરૂર છે જેથી ટકાવારીમાં બદલાવ લાવી શકાય.’
સાનિયાએ કહ્યું હતું કે ‘એમટીવીની ‘નિશેધ અલોન ટુગેધર’ને ખૂબ જ યુનિક અને અસરકારક રીતે રજૂ કરવામાં આવી છે. આપણા દેશના યુવાન આ બીમારી વિશે વધુ જાગરૂક, સેન્સિટિવ અને સચેત છે. ટીબી ખૂબ જ ખતરનાક છે અને કોરોના વાઇરસને કારણે એ ઘાતક બની શકે છે. ટીબીને નાબૂદ કરવાની મુહિમ વધુ મુશ્કેલ બની ગઈ છે અને એથી જ હું આ શો માટે તૈયાર થઈ છું. મને આશા છે કે મારી હાજરીથી આ મેસેજને વધુ લોકો સુધી પહોંચાડી શકાશે અને પૉઝિટિવ ચેન્જ આવી શકશે.’
