ઝી ટીવી પર શરૂ થઈ રહેલા આ શોના પહેલા એપિસોડમાં મુંબઈ પોલીસને આમંત્રણ આપવામાં આવ્યું હતું
કોરોનામાં પોલીસે જે પ્રકારે જવાબદારીથી કામ કર્યું છે એ માટે તેમને સલામી આપવામાં આવી
‘ઝી કૉમેડી ફૅક્ટરી’એ હાલમાં જ મુંબઈ પોલીસને સલામી આપી છે. ઝી ટીવી પર શરૂ થઈ રહેલા આ શોના પહેલા એપિસોડમાં મુંબઈ પોલીસને આમંત્રણ આપવામાં આવ્યું હતું. આ શોમાં ફારાહ ખાન લાફિંગ બુદ્ધા બની છે. કોરોનામાં પોલીસે જે પ્રકારે જવાબદારીથી કામ કર્યું છે એ માટે તેમને સલામી આપવામાં આવી હતી. આ વિશે ફારાહ ખાને કહ્યું હતું કે ‘દેશના સૌથી મોટા કોવિડ વૉરિયરની સાથે શોની શરૂઆત કરી રહ્યા છીએ. આપણી મુંબઈ પોલીસ પહેલા એપિસોડમાં જોવા મળશે. તેમની ડ્યુટીમાંથી એક પણ બ્રેક લીધા વગર તેમણે આપણી સેવા કરી છે. આ સમય દરમ્યાન તેમણે જે સ્ટ્રેસનો સામનો કર્યો હશે એનો આપણે વિચાર પણ નથી કરી શકતા. આ એપિસોડ તેમના કામને સન્માન આપવા અને તેઓ બેસીને રિલૅક્સ થઈને રહે એ માટે બનાવવામાં આવ્યો છે. મારું માનવું છે કે હાસ્ય એ ખૂબ જ સારી દવા છે.’
