સોશ્યલ મીડિયા પોસ્ટ કરીને ફૅન્સને આપી માહિતી
ફાઈલ તસવીર
ભારતમાં કોરોના વાયરસ (COVID-19)ની બીજી લહેર ચાલી રહી છે. અને વખતે એક પછી એક સેલેબ્ઝ આ વાયરસની ચપેટમાં આવતા જ જાય છે. કોરોના સંક્રમણનો ભોગ બનનાર સેલેબ્ઝની યાદીમાં ટીવી અભિનેતા રવિ દુબે (Ravi Dubey)નું પણ નામ જોડાય ગયું છે. અભિનેતાને કોરોના પૉઝિટિવ છે અને અત્યારે હૉમ આઈસોલેશનમાં છે. આ વાતની માહિતી રવિ દુબેએ સોશ્યલ મીડિયા પોસ્ટ દ્વારા આપી હતી.
રવિ દુબેએ ઈન્સ્ટાગ્રામ પર પોસ્ટ શૅર કરીને લખ્યું ગતું કે, ‘હાય મિત્રો, અત્યારે મને મારો કોવિડ ટેસ્ટ રિપોર્ટ મળ્યો અને તે પૉઝિટિવ આવ્યો છે. થોડા દિવસમાં જે લોકો પણ મારા સંપર્કમાં આવ્યા છે, હું તેમને સલાહ આપીશ કે તેઓ પોતાની સંભાળ રાખે અને તેના લક્ષણો પર ધ્યાન આપે. જો કોઈ લક્ષણ હોય તો પોતાનો કોવિડ ટેસ્ટ કરાવી લો. મેં મારી જાતને હોમ આઈસોલેટ કરી લીધી છે. મારા નજીકના અને પ્રિય લોકો મારી સંભાળ રાખી રહ્યા છે. સુરક્ષિત રહો, પૉઝિટિવ રહો. ભગવાન તામારા બધાનું ધ્યાન રાખે’.
ADVERTISEMENT
View this post on Instagram
અભિનેતાના પોસ્ટ પર પત્ની સરગુન મહેતાએ દુઃખી મોઢા વાળા ઈમોજી પોસ્ટ કર્યા હતા. તો અન્ય સેલેબ્ઝે જલ્દી સ્વસ્થ થવાની પ્રાર્થના કરી હતી. આહાના કુમરા, પુલકિત સમ્રાટ, પરાગ મહેતા, શિખા સિંહ શાહ, આશા નેગી સહિત અન્ય સેલેબ્ઝે પણ રવિ દુબેના પોસ્ટ પર કમેન્ટ કરીને જલ્દી સાજો થાય તેવી શુભેચ્છા આપી હતી.
