એને લોકોને સરપ્રાઇઝ આપવાનું અને ખુશ કરવાનું બહુ ગમે છે.
આશી સિંહ
આશી સિંહ દ્વારા હાલમાં સ્કૂલનાં બાળકો માટે એક સ્વીટ જેસ્ટર કરવામાં આવ્યું છે. આશી હાલમાં ‘મીત’માં મીત હૂડાનું પાત્ર ભજવી રહી છે. તેને લોકોને સરપ્રાઇઝ આપવાનું અને ખુશ કરવાનું બહુ ગમે છે. આથી તેણે સ્કૂલનાં બાળકોને સ્પેશ્યલ ગિફ્ટ આપી હતી. આ વિશે આશી સિંહે કહ્યું કે ‘હું બાળક હતી ત્યારથી આજ સુધી મને સરપ્રાઇઝ આપવાનું ખૂબ ગમે છે. લોકો તમને જ્યારે નાની ગિફ્ટ આપે ત્યારે તમને એની કેવી ખુશી મળે છે. આથી મેં કેટલાંક બાળકોને ગિફ્ટ મોકલવાનું નક્કી કર્યું હતું. તેમને ગિફ્ટ વિશે કોઈ ખબર નહોતી, પરંતુ જ્યારે તેમના હાથમાં ગિફ્ટ આવી ત્યારે તેમના ચહેરા પરની ખુશી જોવા જેવી હતી. હું ભગવાનનો આભાર માનું છું કે હું તેમને આ ખુશી આપી શકી.’
