Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ



શો મસ્ટ ગો ઑન

19 October, 2021 03:18 PM IST | Mumbai
Gujarati Mid-day Correspondent | feedbackgmd@mid-day.com

હાથમાં ૬ ટાંકા આવ્યા હોવા છતા ‘મીત’નું શૂટિંગ કર્યું શગુન પાન્ડેએ

શગુન પાન્ડે

શગુન પાન્ડે


શગુન પાન્ડેને હાથમાં ૬ ટાંકા આવ્યા હોવા છતાં તેણે કામ પ્રત્યે સમર્પણ દેખાડતાં ‘મીત’નું શૂટિંગ કર્યું છે. ઝીટીવી પર આવતા આ શો લોકોમાં લોકપ્રિય છે. આ સિરિયલ સોમવારથી શનિવારે સાંજે સાડાસાત વાગ્યે દેખાડવામાં આવે છે. શોમાં આશી સિંહ જે મીત હૂડાનું પાત્ર ભજવે છે તે સમાજની અનેક મહિલાઓ જે સામાજિક પડકારોને મહાત આપીને પોતાની જવાબદારી પૂરી કરે છે. મીત હૂડાનાં લગ્ન મીત અહલાવતનું પાત્ર ભજવનાર શગુન સાથે થાય છે. શોના શૂટિંગ દરમ્યાન શગુન ગંભીર રીતે જખમી થયો છે. શૂટિંગ દરમ્યાન ધારદાર ચાકુ ભૂલથી તેના હાથમાં ઘૂસી ગયું હતું એને કારણે તેને ૬ ટાંકા આવ્યા છે. જોકે સારવાર લીધા પછી તરત શગુન સેટ પર પાછો આવ્યો હતો.



એ વિશે શગુને કહ્યું હતું કે ‘જખમ અને હું હંમેશાં એકબીજાના પડછાયાની જેમ રહીએ છીએ. એક વાત કહી દઉં કે મારા દરેક પ્રોજેક્ટમાં મને ઈજા થાય જ છે. સ્ટન્ટ કે પછી ઍક્શન સીક્વન્સ કરતી વખતે મને ઈજા થાય છે. જોકે ભગવાનની મારા પર ઘણી કૃપા રહી છે કે હું હંમેશાં એમાંથી બહાર નીકળી આવ્યો છું. હું જ્યારે ‘મીત’ના સેટ પર જખમી થયો ત્યારે મને જાણ થઈ હતી કે ઘા ખૂબ ઊંડો છે. હું તરત હૉસ્પિટલ ગયો હતો. મને ખૂબ પીડા થઈ રહી હતી. જોકે હું હૉસ્પિટલમાંથી તરત સેટ પર પહોંચી ગયો હતો, કેમ કે હું નહોતો ચાહતો કે નાનીઅમસ્તી બાબતને કારણે લાઇફની મોટી વસ્તુઓ પર અસર પડે. હું એટલું જરૂર કહીશ કે પ્રોડક્શનની ટીમ મારી સાથે ખૂબ મદદશીલ રહી છે. તેમણે મને ઘરે જઈને આરામ કરવાની સલાહ આપી હતી, પરંતુ મારું ધ્યાન એ પીડામાંથી હટાવવા માટે હું કામ કરવા માગતો હતો. પ્રામાણિકપણે કહું તો આ બધી ઘટનાઓથી તમારા કૅરૅક્ટરની ઓળખ થાય છે. એમાંથી તમે કઈ રીતે બહાર આવો છો એ પણ મહત્ત્વ રાખે છે. આવી સ્થિતિમાંથી તમે લાઇફમાં અનેક વખત પસાર થાઓ છો, પરંતુ જો આજે તમે બહાનાં બતાવીને ઘરે બેસો તો લાઇફમાં ક્યાંય આગળ નહીં વધી શકો. મને લાગે છે કે મારા કામ પ્રત્યેના સમર્પણને કારણે હું જીવનમાં આગળ વધીશ.’


Whatsapp-channel Whatsapp-channel

19 October, 2021 03:18 PM IST | Mumbai | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK