આ વીડિયો સોની ટીવીના ઑફિશિયલ ઈન્સ્ટાગ્રામ પર પોસ્ટ કરવામાં આવ્યો છે
ફાઇલ તસવીર
મેગાસ્ટાર અમિતાભ બચ્ચનનો 11 ઑક્ટોબરે જન્મદિવસ છે. હાલમાં જ તેમની ફિલ્મ બ્રહ્માસ્ત્ર રિલીઝ થઈ હતી અને તે હાલમાં કૌન બનેગા કરોડપતિ 14 હોસ્ટ કરી રહ્યા છે. આ સમયે શૉનો એક પ્રોમો સોશિયલ મીડિયા પર વાયરલ થઈ રહ્યો છે, જેમાં બિગ બી ખૂબ જ ભાવુક દેખાઈ રહ્યા છે. તે પુત્ર અભિષેક બચ્ચનને ભેટી પડે છે ત્યારે તેમની આંખો અશ્રુભીની થઈ જાય છે. આ વીડિયો પર ફેન્સ પણ પ્રતિક્રિયા આપી રહ્યા છે.
આ વીડિયો સોની ટીવીના ઑફિશિયલ ઈન્સ્ટાગ્રામ પર પોસ્ટ કરવામાં આવ્યો છે. વાત એમ છે કે તાજેતરમાં, બિગ બીના પુત્ર અભિષેક બચ્ચન શૉના સેટ પર જોવા મળ્યા હતા. અભિષેકે તેમના પિતાને શું સરપ્રાઈઝ આપ્યું છે તે હાલમાં જાહેર કરવામાં આવ્યું નથી. આ એક ખાસ એપિસોડ બનવા જઈ રહ્યો છે જેની દર્શકો આતુરતાથી રાહ જોઈ રહ્યા છે.
ADVERTISEMENT
View this post on Instagram
અમિતાભ બચ્ચને વખાણ કર્યા
અમિતાભ બચ્ચન તેમના પુત્ર અભિષેકની તેમના કામ માટે જાહેરમાં પ્રશંસા કરવામાં શરમાતા નથી. તાજેતરમાં, તેમણે ઇન્સ્ટાગ્રામ પર અભિષેકની અભિનય કુશળતાના વખાણ કર્યા, જેમાં તેમણે વેબ સિરીઝ અને ફિલ્મોને `ડિજિટલ સ્પેસ પર રાજ કરવાનો` શ્રેય આપ્યો હતો.
અભિષેક માટે પોસ્ટ શૅર કરી
પોસ્ટ શૅર કરતા અમિતાભે લખ્યું કે, `દરેક પિતાનું સપનું..!!! અને મારા માટે એક પરિપૂર્ણતા !! તમે મને અને તમામ શ્રોતાઓને ખૂબ જ ગર્વ અને આનંદ આપ્યો છે.. મારી પ્રાર્થના હંમેશા તમારી સાથે છે!!” પોસ્ટ પર પ્રતિક્રિયા આપતા, અભિષેક બચ્ચને આલિંગન આપતા ચહેરા અને દિલની ઇમોજી સાથે કૉમેન્ટ કરી. અમિતાભની પુત્રી શ્વેતા બચ્ચન અને તેમની પૌત્રી નવ્યા નવેલી નંદાએ હાર્ટ ઇમોજીસ શેર કર્યા છે.