દીકરાની કાળજી લેવા તેનો પતિ યુએસથી ભારત આવ્યો એથી તેણે આવું કહ્યું
રૂપાલી ગાંગુલી, અશ્વિન કે. વર્મા અને રુદ્રાંશ
‘અનુપમા’માં જોવા મળતી રૂપાલી ગાંગુલીએ જણાવ્યું કે મારા દીકરા રુદ્રાંશ માટે મારા હસબન્ડ અશ્વિન કે. વર્માએ અમેરિકાની નોકરી છોડી દીધી છે. રૂપાલીને લાગે છે કે એક મા તરીકે હું નિષ્ફળ ગઈ છું. તેનું કહેવું છે કે મારો દીકરો મારી આ ફેમસ સિરિયલ ‘અનુપમા’ જોતો નથી, કેમ કે તેને લાગે છે કે તેની મમ્મી ઘર કરતાં વધુ સમય ટીવીમાં જ હોય છે. હસબન્ડની પ્રશંસા કરતાં રૂપાલીએ કહ્યું કે ‘હું નસીબદાર છું કે મને સપોર્ટિવ હસબન્ડ મળ્યો છે. તેમણે ખૂબ જલદી રિટાયરમેન્ટ લઈ લીધું અને અમેરિકા છોડીને આવી ગયા. હું કામ કરું કે ન કરું, એનાથી કોઈ ફરક નથી પડતો. પતિનું કહેવું છે કે બાળક સાથે એક પેરન્ટનું હોવું જરૂરી છે. હું મારા બાળકને હાઉસ હેલ્પના ભરોસે ન રાખી શકું. એવું નથી કે તેઓ સારાં નથી. અમારા ઘરની જે કૅરટેકર છે એ ખૂબ સારી છે. તે અમારા માટે પરિવાર જેવી છે. જોકે કામ માટે મેં મારા બાળકને એકલો નથી મૂક્યો. મારો પતિ રુદ્રાંશની સાથે હોય છે. મારા બાળક માટે તો તે જ મા અને તે જ પિતા છે. એક મા તરીકે હું કદાચ ફેલ ગઈ છું. મારો પતિ બાળક માટે મા અને બાપ બન્નેની જવાબદારી ખૂબ સારી રીતે નિભાવે છે.’