° °

આજનું ઇ-પેપર
Friday, 01 July, 2022


સિખ સમાજની માફી માગી ભારતીએ

17 May, 2022 12:27 PM IST | Mumbai
Gujarati Mid-day Correspondent | feedbackgmd@mid-day.com

દાઢી-મૂછ પર મજાક કરતાં તેની વિરુદ્ધ પોલીસ-ફરિયાદની કરવામાં આવી માગણી

ભારતી સિંહ

ભારતી સિંહ

કૉમેડિયન ભારતી સિંહે દાઢી-મૂછ પર જે મજાક કરી છે એને જોતાં સિખ સમાજ રોષે ભરાયો છે. જોકે ભારતીએ ​સૌની માફી માગી છે, પરંતુ આ સમાજે હવે પોલીસ-ફરિયાદ કરવાની માગણી કરી છે. તેનો જે વિડિયો વાઇરલ થયો છે એમાં ભારતીએ કહ્યું હતું કે ‘મૂછ શું કામ નથી જોઈતી? દાઢી-મૂછના અનેક ફાયદાઓ છે, દૂધ પીઓ અને દાઢીને મોંમાં નાખતાં સેવૈયા જેવો ટેસ્ટ આવે છે. મારા અનેક ફ્રેન્ડ્સ છે. તેમની દાઢી ખૂબ લાંબી છે. આખો દિવસ તેઓ એમાંથી જૂ કાઢે છે.’
આ વિડિયોમાં ભારતીએ કોઈ સમાજનું નામ તો નથી લીધું પરંતુ સિખ સમાજની લાગણીને ઠેસ પહોંચી છે. એથી સોશ્યલ મીડિયામાં તેની આકરા શબ્દોમાં નિંદા થઈ રહી છે. એથી બે હાથ જોડીને લોકોની માફી માગતો એક વિડિયો ઇન્સ્ટાગ્રામ પર તેણે શૅર કર્યો છે. એ વિડિયોમાં ભારતી કહી રહી છે કે ‘એકાદ-બે દિવસથી એક વિડિયો ખૂબ વાઇરલ થઈ રહ્યો છે. મેં એ વિડિયો વારંવાર જોયો છે અને હું તમને પણ વિનંતી કરું છું કે તમે પણ એ વિડિયો જુઓ. મેં કદી પણ કોઈ પણ ધર્મ કે જાતિ વિશે ઘસાતું નથી કહ્યું કે આ ધર્મના લોકો દાઢી રાખે છે એથી તકલીફ થાય છે. તમે વિડિયો જોઈ લો, મેં કોઈ પંજાબી વિશે એવું નથી કહ્યું કે પંજાબી લોકો દાઢી-મૂછ રાખે છે અને એનાથી તકલીફ થાય છે. હું તો માત્ર ફ્રેન્ડ સાથે કૉમેડી કરી રહી હતી. દાઢી-મૂછ તો આજકાલ કોઈ પણ રાખે છે, પરંતુ જો મારી આ વાતથી કોઈની લાગણીને ઠેસ પહોંચી હોય તો હું હાથ જોડીને માફી માગું છું. હું પોતે પણ પંજાબી છું અને અમ્રિતસરમાં જન્મી છું. એથી પંજાબનું પૂરું માન રાખીશ. સાથે જ મને પંજાબી હોવાનો ગર્વ છે.’
આ વિડિયોને ઇન્સ્ટાગ્રામ પર શૅર કરીને ભારતીએ કૅપ્શન આપી હતી, ‘હું લોકોને ખુશ રાખવા માટે કૉમેડી કરું છું, ન કે કોઈનું દિલ દુખાવવા માટે. મારી કોઈ વાતથી જો કોઈને દુ:ખ થયું હોય તો મને તમારી બહેન સમજીને માફી આપજો.’

17 May, 2022 12:27 PM IST | Mumbai | Gujarati Mid-day Correspondent

અન્ય લેખો

ટેલિવિઝન સમાચાર

TMKOC મેકર્સે જણાવ્યું કે ફૉર્માલિટી પૂરી કરવા માટે પણ નેહા રિપ્લાઈ નથી આપતી

‘તારક મેહતા કા ઉલ્ટા ચશ્મા’માં અંજલિનું પાત્ર ભજવનાર નેહા મહેતાએ ૬ મહિનાની ફી બાકી હોવાનું કહેતાં મેકર્સે જણાવ્યું કે ફૉર્માલિટી પૂરી કરવા માટે તેનો સતત સંપર્ક કર્યા છતાં તે રિપ્લાય નથી આપતી.

26 June, 2022 06:42 IST | Mumbai | Gujarati Mid-day Correspondent
ટેલિવિઝન સમાચાર

‘ઝલક દિખલા જા’માં દેખાશે અંગૂરીભાભી?

‘ભાભીજી ઘર પર હૈ!’માં તે અનેક વખત ડાન્સ કરતી જોવા મળી છે

24 June, 2022 02:16 IST | Mumbai | Gujarati Mid-day Correspondent
ટેલિવિઝન સમાચાર

તારક મેહતા કા ઊલ્ટા ચશ્મા ફેમ સોનુ ઉર્ફે પલક સિંધવાનીએ સેટ પર ગાયું આ ગીત

પલક પોતાની તસવીરો અને વીડિયોઝ શૅર કરતી રહે છે અને તેને કારણે ચર્ચામાં પણ રહે છે. તાજેતરમાં જ પલક સિંધવાનીએ સેટ પરનો એક વીડિયો શૅર કર્યો છે જેને કારણે તે ચર્ચામાં રહી છે.

23 June, 2022 04:35 IST | Mumbai | Shilpa Bhanushali

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK