અદિતિ ગુપ્તા હાલમાં નવી શરૂ થઈ રહેલી સિરિયલ ‘ધડકન ઝિદંગી કી’માં ડૉક્ટર દીપિકાનું પાત્ર ભજવી રહી છે.
અદિતિ ગુપ્તા
અદિતિ ગુપ્તા હાલમાં નવી શરૂ થઈ રહેલી સિરિયલ ‘ધડકન ઝિદંગી કી’માં ડૉક્ટર દીપિકાનું પાત્ર ભજવી રહી છે. સોની પર આ સિરિયલને છ ડિસેમ્બરથી પ્રીમિયર કરવામાં આવશે. આ શોમાં અદિતિ એક ઇન્ડિપેન્ડન્ટ મહિલાનું પાત્ર ભજવી રહી છે, જે તેના સપનાને પૂરા કરવા માટે તેના ઘરથી લઈને સોસાયટી અને ઑફિસમાં પણ પુરુષપ્રધાન લોકોનો સામનો કરે છે. આ વિશે વાત કરતાં અદિતિએ કહ્યું હતું કે ‘ડૉક્ટર દીપિકા એક સિમ્પલ અને મહત્ત્વાકાંક્ષી મહિલા છે જે સરળતાથી તેનાં સપનાં પૂરાં કરવા માટે હાર નથી માનતી. તે તેની કરીઅર અને જીવનમાં હંમેશાં નવી ચૅલેન્જનો સ્વીકાર કરે છે. તેના કંઈ પણ કરી છૂટવાના ઍટિટ્યુડની સાથે હું અંગત રીતે ખૂબ જ કનેક્ટ થાઉં છું. દીપિકાનું પાત્ર એક પ્રોગ્રેસિવ મહિલાનું છે જે આપણી સાસોયટીની મહિલાઓને પ્રેરણા આપશે. હું હંમેશાં માનું છું કે દિલનું સાંભળવું જોઈએ, કારણ કે એ કદી ખોટું નથી બોલતું. પૃથ્વી પર ડૉક્ટરને ભગવાનનો દરજ્જો આપવામાં આવ્યો છે અને ગયા વર્ષે તેમણે જે રીતનું કામ કર્યું છે એ જોઈને મને આ પાત્ર ભજવવા પર ગર્વ થઈ રહ્યો છે. આશા રાખું છું કે દર્શકો ‘ધડકન ઝિદંગી કી’ને પ્રેમ અને સપોર્ટ આપશે.’
