° °

આજનું ઇ-પેપર
Wednesday, 06 July, 2022


ફોટો સાથે છેડછાડ કરવામાં ઍમ્બર હર્ડને થઈ શકે છે જેલની સજા

01 June, 2022 03:06 PM IST | Mumbai
Gujarati Mid-day Correspondent | feedbackgmd@mid-day.com

હૉલીવુડની હિસ્ટરીમાં જૉની ડેપ અને ઍમ્બર હર્ડનો કેસ અત્યાર સુધીનો સૌથી હાઈ પ્રોફાઇલ કેસ છે જે પબ્લિક ડમેનમાં આવી ગયો છે

ઍમ્બર હર્ડ

ઍમ્બર હર્ડ

હૉલીવુડની ઍક્ટ્રેસ અને જૉની ડેપની એક્સ-વાઇફ ઍમ્બર હર્ડને જેલની સજા થઈ શકે છે. હૉલીવુડની હિસ્ટરીમાં જૉની ડેપ અને ઍમ્બર હર્ડનો કેસ અત્યાર સુધીનો સૌથી હાઈ પ્રોફાઇલ કેસ છે જે પબ્લિક ડમેનમાં આવી ગયો છે. આ કેસ એપ્રિલથી ચાલી રહ્યો છે અને એમાં અગિયાર જ્યુરી મેમ્બરનો સમાવેશ કરવામાં આવ્યો છે. જૉની ડેપ સાથેના ડિવૉર્સ બાદ ઍમ્બર હર્ડે મીડિયામાં એક ઑપ-એડ પ્રકાશિત કરી હતી. આ ઑપ-એડમાં તેણે જૉની ડેપનું નામ નહોતું લીધું, પરંતુ તેણે એમ કહ્યું હતું કે તે ડોમેસ્ટિક વાયલન્સ અને હૅરૅસમેન્ટનો શિકાર થઈ છે. આ માટે જૉની ડેપે તેના પર ૫૦ મિલ્યન ડૉલરનો કેસ કર્યો હતો, કારણ કે આ ઑપ-એડને કારણે તેને ફિલ્મોની ઑફર નહોતી મળી રહી. જૉની ડેપના કેસની સામે ઍમ્બર હર્ડે પણ સો મિલ્યન ડૉલરનો કેસ કર્યો હતો. જોકે જૉની ડેપની ટીમ ઍમ્બર હર્ડને સતત ખોટી સાબિત કરી રહી છે. આ સાથે જ ઍમ્બર હર્ડ ઘણી વાર ખોટું બોલતાં પણ પકડાઈ છે. કોર્ટમાં કસમ ખાવા છતાં તે ખોટું બોલી રહી છે. તેમ જ પ્રૂફ તરીકે તેણે જે ફોટો આપ્યા છે એમાં પણ છેડછાડ કરી હોવાનું બહાર આવી રહ્યું છે. ઍમ્બર હર્ડે એક ફોટો આપ્યો હતો જેમાં તેના ચહેરા પર વાગેલું હોય એવું દેખાઈ રહ્યું છે. જોકે જૉની ડેપના વકીલ દ્વારા ઍમ્બર હર્ડનો એ જ દિવસનો બીજો ફોટો તેની ફ્રેન્ડ સાથેનો કોર્ટમાં જમા કરાવ્યો હતો. આ ફોટોમાં ઍમ્બરના ચહેરા પર કોઈ ઈજા નહોતી. આથી ઍમ્બરે જમા કરાવેલા ફોટો સાથે તેણે છેડછાડ કરી હતી એ દેખાઈ રહ્યું છે. આ સાથે જ તેણે ઘણાં તથ્યોને તોડીમરોડીને કોર્ટમાં રજૂ કર્યાં છે. આથી જ્યુરી જૂઠું બોલવા અને સબૂત સાથે છેડખાની કરવા બદલ ઍમ્બર હર્ડને જેલની સજા કરી શકે છે એવા ચાન્સ ઘણા છે. જોકે કેસ કોના પક્ષમાં આવે એ તો કોર્ટ જ નક્કી કરશે, પરંતુ જૂઠું બોલવા માટે ઍમ્બર હર્ડ અને અન્ય જુબાની આપનાર લોકોને પણ સજા કરવામાં આવે એના ચાન્સ વધુ છે.

01 June, 2022 03:06 PM IST | Mumbai | Gujarati Mid-day Correspondent

અન્ય લેખો

હૉલીવૂડ સમાચાર

જેમ્સ કૅમરુન ‘અવતાર’ની ત્રીજી ફિલ્મ બાદ ફ્રૅન્ચાઇઝી છોડી શકે છે

હૉલીવુડ ફિલ્મમેકર જેમ્સ કૅમરુન હવે ‘અવતાર’ સિરીઝની ત્રીજી ફિલ્મ બાદ ફ્રૅન્ચાઇઝીને છોડી શકે છે.

06 July, 2022 12:00 IST | Mumbai | Gujarati Mid-day Correspondent
હૉલીવૂડ સમાચાર

‘ઍક્વામૅન’ની સીક્વલમાંથી કાઢવામાં નથી આવી ઍમ્બરને

ઍમ્બર હર્ડને ‘ઍક્વામૅન ઍન્ડ ધ લૉસ્ટ કિંગડમ’માંથી હજી સુધી કાઢવામાં નથી આવી.

16 June, 2022 07:09 IST | Mumbai | Gujarati Mid-day Correspondent
હૉલીવૂડ સમાચાર

‘જોકર 2’માં લેડી ગાગા બનશે હાર્લી ક્વીન?

હૉલીવુડની ‘જોકર 2’માં હાર્લી ક્વીનના પાત્રમાં લેડી ગાગા જોવા મળે એવી ચર્ચા ચાલી રહી છે.

15 June, 2022 12:04 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK