તાજેતરમાં ગુજરાતના બાદશાહ બનેલા દેવ પગલી હવે સાઉથ સ્ટાર સાથે જોવા મળશે. જેનું ચાંદ વાદ મુખડા ગીત સોશિયલ મીડિયા પર ધમાલ મચાવી રહ્યું છે.
દેવ પગલી ( તસવીરઃ ઈનસ્ટાગ્રામ)
"ચાંદ વાલા મુખડા.." સોન્ગથી જાણીતા બનેલા સિંગર દેવ પગલી હવે ગુજરાતના બાદશાહ તરીકે ઓળખાવા લાગ્યાં છે. દેવ પગલી અને જિગર ઠાકોરના આ હિન્દી સોન્ગે ઈન્સ્ટાગ્રામ પર ધમાલ મચાવી છે. ત્યારે હવે ફરી એક વાર દેવ પગલી સાઉથના સ્ટાર સાથે ધૂમ મચાવવાની તૈયારીમાં છે.
દેવ પગલી હાલમાં સાઉથ સ્ટાર સાથે એક પ્રોજેક્ટ પર કામ કરી રહ્યાં છે. આ અંગે સિંગરે મિડ-ડે ડૉટ કોમ સાથે વાત કરતાં કહ્યું હતું કે, `આગામી સમયમાં સાઉથની ટીમ સાથે એક મ્યુઝિક આલ્બમ પર કામ કરી રહ્યો છું. જે ગીતને લઈ ખુબ જ જાણીતા કોરિયોગ્રાફર સાથે કામ કરવાની તક મળી છે. હાલમાં હું સાઉથમાં આ ગીતનું શૂટિંગ કરી રહ્યો છું. ટૂંક સમયમાં જ દર્શકો સામે આ ગીતને રિલીઝ કરવામાં આવશે.`
ADVERTISEMENT
View this post on Instagram
હિન્દી સોંગ `ચાંદ વાલા મુખડા`એ હાલમાં આખા દેશમાં ધૂમ મચાવી છે. આ હિન્દી ગીત આપણા બે ગુજરાતી સિંગર્સ દેવ પગલી અને જિગર ઠાકોરે ગાયું છે. આ જોડીએ ઇન્સ્ટાગ્રામ રીલ્સ બાબતે બાદશાહને પણ પાછળ છોડી દીધા છે. આ સાથે જ દેવ પગલી ગુજરાતનો બાદશાહ બની ગયો છે.
નોંધનીય છે કે ચાંદવાલા મુખડા સોંગની અત્યાર સુધીમાં રેકોર્ડ બ્રેક 47 લાખથી વધુ રીલ્સ બની ચૂકી છે. બસ, ત્યારથી દેવ પગલી અને જીગર ઠાકોર ચર્ચાનું કેન્દ્ર બની ગયા છે. આ ગીત સોશિયલ મીડિયા પર ખુબ જ ધૂમ મચાવી રહ્યું છે. નાના બાળકોથી લઈ મોટી વયના દાદીઓ પણ આ ગીત પર રીલ્સ બનાવી રહ્યાં છે અને ગીતની મોજ માણી રહ્યાં છે.
View this post on Instagram
દેવ પગલીએ આ ગીત કોરોના લોકડાઉન દરમિયાન લખ્યું હતું. દેવપગલીના અંગત જીવનની વાત કરવામાં આવે તો તે બનાસકાંઠાના જિલ્લાના આસેડા ગામના વતની છે. દેવ પગલીનું સાચું નામ દેવ પુરી છે. દેવ પગલી સિંગર બન્યા તે પહેલાં ક્રિકેટર અથવા ઍક્ટર બનવાનું સપનું હતું.
દેવ પગલીને હીરો બનવાની એટલી તલપ હતી એક વાર તેઓ ઘર છોડીને ભાગી ગયા હતા. જોકે ત્યારે ક્રિકેટર અથવા ઍકટર બનવાનું સપનું અધુરુ રહ્યું હતું. પરંતુ ચાંદ વાલા મુખડા બાદ એક હિરોની જેમ જ લોકો તેના દિવાના બની ગયા છે.