ખરેખર વાત એમ છે કે નીલમે એક ખૂબ જ વાયરલ મ્યુઝિક પર જોની લીવર સાથે રીલ શેર કરી છે.
ફાઇલ ફોટો
૨૧મુ ટિફિન ફેમ નીલમ પંચાલ સોશિયલ મીડિયા પર એક્ટિવ રહે છે. નીલમે ઇન્સ્ટાગ્રામ પર શેર કરેલી એક રીલને ચાહકોએ ખૂબ પસંદ કરી છે. વિડિયોમાં કોમેડી જગતના કિંગ જોની લીવર નીલમ પંચાલને મસ્તીમાં ટાપલી મારતા જોવા મળે છે.
ખરેખર વાત એમ છે કે નીલમે એક ખૂબ જ વાયરલ મ્યુઝિક પર જોની લીવર સાથે રીલ શેર કરી છે. નીલમે આ રીલ શેર કરતાં લખ્યું કે “સ્વપ્ન સાકાર થયું, ઓહ માય ગોડ-ઓહ માય ગોડ. મહાન જોની લીવર સર સાથે રીલ બનાવવાની તક મળી. જોની લીવર સર તમે મહાન અને ખૂબ જ નમ્ર વ્યક્તિ છો.” આ રીલમાં જોનીભાઈ અને નીલમના હાવભાવ જોઈને ચાહકો પણ પેટ પકડીને હસ્યા લાગવા લાગ્યા હતા. તમે પણ જુઓ વીડિયો.
ADVERTISEMENT
View this post on Instagram
આ વીડિયોને અત્યાર સુધીમાં ૭૬ હજારથી વધુ વ્યૂઝ મળ્યા છે. વર્ક ફ્રન્ટની વાત કરીએ તો નીલમની તાજેતરમાં જ એક ગુજરાતી વેબ સિરીઝ ‘યમરાજ કોલિંગ’માં જોવા મળી હતી. ઉપરાંત ૧૦ ડિસેમ્બરના રોજ રિલીઝ થનારી ફિલ્મ ‘૨૧મુ ટિફિન’માં પણ જોવા મળશે. ઉલ્લેખનીય છે કે વિજયગીરી ફિલ્મોસની આ ફિલ્મે રિલીઝ પહેલાં જ ધૂમ મચાવી છે. આ ફિલ્મનું સ્ક્રિનિંગ ગોવામાં ઇન્ટરનેશનલ ફિલ્મ ફેસ્ટિવલમાં પણ કરવામાં આવ્યું હતું, જ્યાં તે પેનોરેમા કેટેગરીમાં પસંદગી પામી હતી.
આ પણ વાંચો: નવું વર્ષ ગુજરાતી સિનેમા જગત માટે નવી વધામણી સાથે આવ્યું, ફિલ્મ ‘એકવીસમું ટિફિન’ને મળી આ મોટી સફળતા