° °

આજનું ઇ-પેપર
Saturday, 03 December, 2022


વરિષ્ઠ અભિનેતા વિક્રમ ગોખલેનું 82 વર્ષની વયે પૂનામાં નિધન, થોડા વખતથી તબિયત ક્રિટીકલ હતી

23 November, 2022 11:21 PM IST | Mumbai
Gujarati Mid-day Online Correspondent | gmddigital@mid-day.com

અનેક હિન્દી ફિલ્મો, ટેલિવિઝન, મરાઠી તખ્તે તથા રંગમંચર પર પ્રભાવી કામ કરનારા વિક્રમ ગોખલે પુનામાં સારવાર હેઠળ હતા

ફાઇલ તસવીર Sad Demise

ફાઇલ તસવીર

હિન્દી તથા મરાઠી ફિલ્મો તથા રંગમંચના પ્રખર અભિનેતા વિક્રમ ગોખલેનું (Vikram Gokhale) 82 વર્ષની વયે પુનામાં સારવાર દરમિયાન નિધન. વિક્રમ ગોખલે તેમના દમદાર અભિનય માટે જાણીતા હતા. તેમણે ઘણી બધી હિન્દી ફિલ્મોમાં તો કામ કર્યું જ હતું પણ મરાઠી તથા હિન્દી રંગમંચ પર પણ તેમણે પ્રભાવી કામગીરી કરી હતી. તેઓ છેલ્લા કેટલાક દિવસથી નાદુરસ્ત તબિયતથી પરેશાન હતા અને પૂનાની દિનાનાથ મંગેશકર હૉસ્પિટલમાં સારવાર હેઠળ હતા. ડૉક્ટરોએ તેમને બચાવવામાં કોઇ કચાશ નહોતી છોડી પણ કમનસીબે આજે સાંજે તેમની તબિયત કથળી અને મોડી સાંજે લાઇફ સપોર્ટ કાઢી લેવાની વાત પણ વહેતી થઈ હતી. તેમની ખરાબ તબિયત વિશે સિન્ટાના સભ્ય અને અભિનેતા મનોજ જોશીએ અગાઉ મીડિયામાં જાણ કરી હતી અને તેમના નિધનના સમાચાર આવતાં જ સોશ્યલ મીડિયા પર તેમના ચાહકોએ તેમની શ્રધ્ધાંજલી આપી દુઃખ વ્યક્ત કર્યું હતું. બિગ બોસના સ્પર્ધક અલી ગોની મનોરંજન વિશ્વની પહેલી વ્યક્તિ હતા જેમણે સોશ્યલ મીડિયા પર આ અંગે પોસ્ટ મુકી હતી, જો કે વિક્રમ ગોખલેના પરિવારે આ અંગે કોઇ ઑફિશ્યલ સ્ટેટમેન્ટ મોડી રાત સુધી જાહેર કર્યું ન હતુમ.

વિક્રમ ગોખલેનો જન્મ 30 ઓક્ટોબર 1947ના રોજ પુણેમાં થયો હતો. વિક્રમ ગોખલેનો પરિવાર લાંબા સમયથી હિન્દી સિનેમામાં સક્રિય છે. તેમના પરદાદી હિન્દી સિનેમાના પ્રથમ ભારતીય કલાકાર હતા, તેમના દાદી હિન્દી સિનેમાના પ્રથમ બાળ કલાકાર હતા. વર્ષ 1913માં તેમની દાદી-પાર્દેએ ફિલ્મ મોહિની ભસ્માસુરમાં અભિનય કર્યો હતો. આ ફિલ્મનું દિગ્દર્શન ભારતીય સિનેમાના પિતામહ દાદાસાહેબ ફાળકેએ કર્યું હતું. તેમના પિતા ચંદ્રકાંત ગોખલે મરાઠી પીઢ અભિનેતા અને સ્ટેજ કલાકાર હતા. વિક્રમ ગોખલેએ પોતાના ફિલ્મી કરિયર દરમિયાન લગભગ 70 હિન્દી-મરાઠી ફિલ્મોમાં કામ કર્યું છે. વિક્રમ ગોખલે એક અચ્છા કલાકાર તો હતા જ પણ તેમણે સમાજ સેવાના કાર્યો પણ કર્યા હતા અને પરિવારે વિકલાંગ સૈનિકો તથા ગરીબ બાળકોના શિક્ષણ તથા અન્ય જરૂરી ચીજો પુરી પાડવાનો ભેખ લીધો હતો. 

તેમણે ભુલભૂલૈયા, હમ દિલ દે ચૂકે સમન, હે રામ, તુમ બિન, હિચકી અને મિશન મંગલ જેવી કેટલીક ફિલ્મોમાં યાદગાર પાત્રો ભજવ્યાં છે. તેમણે છેલ્લે બૉલીવૂડની નિકમ્મા ફિલ્મમાં અભિમન્યુ દાસાની, શર્લિ સેટિયા અને શિલ્પા શેટ્ટીની કાસ્ટ સાથે અભિનય કર્યો હતો. 

 

 

23 November, 2022 11:21 PM IST | Mumbai | Gujarati Mid-day Online Correspondent

અન્ય લેખો

બૉલિવૂડ સમાચાર

આનંદ પંડિતની કન્નડ ઈન્ડસ્ટ્રીમાં એન્ટ્રી, ઉપેન્દ્ર સ્ટારર કબઝાનું ટ્રેલર રિલીઝ

ગુજરાતી, હિન્દી અને મરાઠી ફિલ્મ ઈન્ડસ્ટ્રીઝમાં સફળતા બાદ નિર્માતા આનંદ પંડિત હવે કન્નડ ઈન્ડસ્ટ્રીમાં એન્ટ્રી કરી રહ્યાં છે

02 December, 2022 05:51 IST | Mumbai | Gujarati Mid-day Online Correspondent
બૉલિવૂડ સમાચાર

ફિલ્મ પ્રોડ્યુસર બન્યો યશ

‘KGF’ની આગામી સિરીઝ વિશે પણ કોઈ માહિતી તેણે નથી આપી.

02 December, 2022 05:41 IST | Mumbai | Gujarati Mid-day Correspondent
બૉલિવૂડ સમાચાર

સિદ્ધાર્થની ‘યોદ્ધા’ આવશે આવતા વર્ષે

ફિલ્મનું પોસ્ટર ઇન્સ્ટાગ્રામ પર શૅર કરીને સિદ્ધાર્થે કૅપ્શન આપી હતી

02 December, 2022 05:38 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK