અલી અબ્બાસ ઝફર તેની આગામી ફિલ્મ વહેલી તકે શરૂ કરશે
શાહિદ કપૂર
અલી અબ્બાસ ઝફરની ‘નુઇટ બ્લાન્ચ’ની રીમેક માટે શાહિદ કપૂર નહીં, પરંતુ વરુણ ધવન હતો પહેલી પસંદગી. આ થ્રિલરના શૂટિંગની શરૂઆત ટૂંક સમયમાં કરવામાં આવશે. આ ફિલ્મની સ્ટોરી એક નાઇટ પર આધારિત છે. સ્ટોરી સાંભળતાં જ શાહિદે તરત હા પાડી હતી. પોતાના રોલની તૈયારી તે જોરદાર રીતે કરી રહ્યો છે. જોકે અલી અબ્બાસ ઝફરની ઇચ્છા હતી કે આ રોલ વરુણ કરે. એક દાયકાની અંદર અલી અબ્બાસ ઝફર સફળતાના શિખરે પહોંચી ગયો છે. આ અગાઉ સુપરહીરો યુનિવર્સ માટે તે વરુણને લેવા માગતો હતો. જોકે વરુણ આ ફિલ્મ કરવાના મૂડમાં દેખાતો નહોતો. ત્યાર બાદ અલીએ અન્ય પ્રોજેક્ટ એટલે કે ‘નુઇટ બ્લાન્ચ’ની રીમેક માટે તેને ઑફર કરી હતી. આ થ્રિલરનો આઇડિયા તેને પસંદ તો આવ્યો, પરંતુ તારીખ ન હોવાને કારણે આ પ્રોજેક્ટ તેના હાથમાંથી સરકી ગયો. અલી આ વર્ષે જ એની શરૂઆત કરવા માગતો હતો એથી તેણે વરુણને બદલે શાહિદ સાથે ફિલ્મ બનાવવાનું નક્કી કરી લીધું છે.