રોહિત શેટ્ટીએ તેની રણવીર સિંહ સાથેની ‘સર્કસ’ની તારીખ જાહેર કરી દીધી છે.
ક્રિસમસમાં જોવા મળશે ‘સર્કસ’
રોહિત શેટ્ટીએ તેની રણવીર સિંહ સાથેની ‘સર્કસ’ની તારીખ જાહેર કરી દીધી છે. આ ફિલ્મને ૨૩ ડિસેમ્બરે રિલીઝ કરવામાં આવશે જેમાં રણવીર ડબલ રોલ ભજવી રહ્યો છે. આ ફિલ્મમાં રણવીરની સાથે જૅકલિન ફર્નાન્ડિસ, પૂજા હેગડે, વરુણ શર્મા, જૉની લીવર સહિત ઘણા ઍક્ટર્સનો સમાવેશ કરવામાં આવ્યો છે. ભૂષણ કુમાર અને રોહિત શેટ્ટી દ્વારા પ્રોડ્યુસ કરવામાં આવેલી આ ફિલ્મને રોહિતે જ ડિરેક્ટ પણ કરી છે. આ ફિલ્મનું પોસ્ટર રોહિતે સોશ્યલ મીડિયા પર શૅર કર્યું હતું. આ ફિલ્મ વિશે રોહિતે કહ્યું હતું કે ‘અમારી ‘સર્કસ’ સંપૂર્ણ રીતે એક ફૅમિલી એન્ટરટેઇનર છે. આ ફિલ્મ દ્વારા લોકોને સિનેમાઘરમાં લઈ જવા માટે ક્રિસમસ કરતાં વધુ સારો સમય કોઈ નહીં હોય.’
