‘ગુમ હૈ કિસી કે પ્યાર મેં’ને મિતાલી નાગે છોડ્યાની વાતો : દેવયાની દેશપાંડેને શોમાં જે રીતે દેખાડાતી હતી એનાથી મિતાલી નાખુશ હોવાની ચર્ચા
મિતાલી નાગ
મિતાલી નાગે ‘ગુમ હૈ કિસી કે પ્યાર મેં’ છોડી દીધી હોવાની વાતો ચાલી રહી છે. સ્ટાર પ્લસ પર આવતા આ શોમાં નીલ ભટ્ટ અને આયેશા સિંહ લીડ રોલમાં છે અને તેણે એ છોડી દીધી હોવાની ચર્ચા છે. આ શોમાં તે દેવયાની દેશપાંડેનું પાત્ર ભજવી રહી હતી જે નિલના પાત્રની બહેન હતી. તે ઘણા સમયથી તેના પાત્રને જે રીતે દર્શાવવામાં આવી રહ્યું હતું એનાથી ખુશ નહોતી. તેણે ઘણી વાર મેકર્સ સાથે આ સંદર્ભે ચર્ચા પણ કરી હતી, પરંતુ કંઈ ન થતાં તેણે આખરે એ શો છોડી દીધો હોવાની વાતો ચાલી રહી છે અને શૂટિંગ માટે પણ તેને ઘણા લાંબા બ્રેક બાદ બોલાવવામાં આવતી હતી. સ્ટાર પ્લસ પર આ શો નંબર-વન હોવા છતાં તેણે એ શો છોડી દીધો છે.