લાંબા સમયથી ફૅન્સ કિંગ ખાનના લૂકની રાહ જોઈ રહ્યા હતા
શાહરૂખ ખાન, પત્ની આલિયા ભટ્ટ સાથે રણબીર કપૂર (તસવીરો : યોગેન શાહ)
રણબીર કપૂર (Ranbir Kapoor) અને આલિયા ભટ્ટ (Alia Bhatt) તેમની ફિલ્મ `બ્રહ્માસ્ત્ર` (Brahmastra)ને કારણે ઘણા સમયથી ચર્ચામાં છે. અયાન મુખર્જી (Ayan Mukerji) દ્વારા નિર્દેશિત આ ફિલ્મમાં બંને પહેલીવાર મોટા પડદા પર સાથે જોવા મળશે. આ ફિલ્મમાં શાહરુખ ખાન (Shah Rukh Khan) પણ કેમિયો રોલમાં જોવા મળશે. લાંબા સમયથી ફૅન્સ કિંગ ખાનના આ ફિલ્મમાં તે કયા પાત્રમાં જોવા મળશે તેની રાહ જોઈ રહ્યાં હતા. . હવે શાહરુખ ખાનનો લુક સોશિયલ મીડિયા પર લીક થયો છે, જે ઝડપથી વાયરલ થઈ રહ્યો છે.
`બ્રહ્માસ્ત્ર` ફિલ્મમાંથી શાહરૂખ ખાનનો લૂક સામે આવ્યો છે ત્યારથી ફૅન્સ પણ ખૂબ જ ઉત્સાહિત છે. સોશિયલ મીડિયા પર વાયરલ થઈ રહેલા વીડિયો અનુસાર, શાહરૂખ ખાન `બ્રહ્માસ્ત્ર`માં વાનર અસ્ત્રનું પાત્ર ભજવી રહ્યો હોય તેવું લાગે છે. વીડિયોમાં શાહરૂખ લોહીથી લથપથ જોવા મળે છે. અગ્નિની વચ્ચે અભિનેતાનો ઢાંસુ અવતાર ચાહકોને ખૂબ જ પસંદ આવી રહ્યો છે અને તેઓ તેના જોરદાર વખાણ કરી રહ્યા છે.
ADVERTISEMENT
SRK in & As Vanar Astra ?#ShahRukhKhan #Brahmastra pic.twitter.com/Mqu82LHsOV
— BENGAL-TiGER (@Sayem_Sam00) August 11, 2022
ફિલ્મનું ટ્રેલર રિલીઝ થયું ત્યારે જ ફૅન્સે તેમાં શાહરૂખ ખાનની ઝલક જોઈ લીધી હતી અને તેના પાત્ર વિશે જાણવા આતુર હતા. જોકે, હવે અભિનેતાનો લૂક લીક થઈ જતા ફૅન્સની ખુશી જાણે સાતમાં આસમાને પહોંચી છે.
તમને જણાવી દઈએ કે, આ ફિલ્મમાં રણબીર કપૂર સિવાય આલિયા ભટ્ટ, શાહરૂખ ખાન, અમિતાભ બચ્ચન, નાગાર્જુન અને મૌની રૉય પણ જોવા મળશે. આ ફિલ્મ હિન્દી, તમિલ, તેલુગુ, મલયાલમ અને કન્નડ એમ પાંચ ભાષાઓમાં ૯ સપ્ટેમ્બરે થિયેટરમાં રિલીઝ થશે. ફિલ્મનું ગીત `દેવા-દેવા` તાજેતરમાં રિલીઝ કરવામાં આવ્યું હતું, જેને દર્શકોએ ખૂબ પસંદ કર્યું છે.
