ઓપનિંગ વીક-એન્ડમાં ફક્ત ૧૧.૫૧ કરોડનો બિઝનેસ, જ્યારે એસ. એસ. રાજામૌલીની ફિલ્મે સેકન્ડ વીક-એન્ડમાં કર્યો બાવન કરોડનો વકરો
જૉન એબ્રાહમની ‘અટૅક : પાર્ટ 1’ બૉક્સ-ઑફિસ પર લોકોને આકર્ષિત કરવામાં નિષ્ફળ રહી
જૉન એબ્રાહમની ‘અટૅક : પાર્ટ 1’ બૉક્સ-ઑફિસ પર લોકોને આકર્ષિત કરવામાં નિષ્ફળ રહી છે. આ ફિલ્મ પર ‘RRR’નો અટૅક ભારી પડ્યો છે. જૉનની ફિલ્મની સ્ટોરી એક સુપર સોલ્જરની છે. લક્ષ્ય રાજ આનંદના ડિરેક્શનમાં બનેલી આ ફિલ્મમાં રકુલ પ્રીત સિંહ, જૅકલિન ફર્નાન્ડિસ, પ્રકાશ રાજ અને રત્ના પાઠક શાહ પણ જોવા મળી રહ્યાં છે. આ ફિલ્મ પહેલી એપ્રિલે રિલીઝ થઈ છે. શુક્રવારે રિલીઝ થયેલી ‘અટૅક : પાર્ટ 1’એ પહેલા દિવસે ૩.૫૧ કરોડ, શનિવારે ૩.૭૫ કરોડ અને રવિવારે ૪.૨૫ કરોડની સાથે ટોટલ ૧૧.૫૧ કરોડનો બિઝનેસ કર્યો છે. આવનારા દિવસોમાં જો કલેક્શન વધે તો ફિલ્મની નૈયા કદાચ પાર પડી શકે છે. જોકે ‘RRR’ની સામે એ મુશ્કેલ છે. આ ફિલ્મે પહેલા અઠવાડિયામાં ૧૩૨.૫૯ કરોડ રૂપિયાનો બિઝનેસ કર્યો હતો. બીજા વીક-એન્ડમાં આ ફિલ્મે ટોટલ બાવન કરોડ રૂપિયાનો બિઝનેસ કર્યો છે, જે ‘અટૅક : પાર્ટ 1’ કરતાં પાંચગણો છે.