કરીનાએ આ વર્ષે ૨૧ ફેબ્રુઆરીએ બીજા દીકરાને જન્મ આપ્યો છે
શર્મિલા ટાગોર
શર્મિલા ટાગોર કોરોનાની આ મહામારીને કારણે હજી સુધી સૈફ અલી ખાન અને કરીના કપૂર ખાનના બીજા દીકરાને નથી મળી શક્યાં. કરીનાએ આ વર્ષે ૨૧ ફેબ્રુઆરીએ બીજા દીકરાને જન્મ આપ્યો છે. જોકે તેની ઝલક હજી સુધી તેની દાદીને જોવા નથી મળી. પોતાની સાસુ શર્મિલા ટાગોરની પ્રશંસા કરતાં કરીનાએ કહ્યું હતું કે ‘લોકો જ્યારે પણ મને તેમના વિશે પૂછે છે તો હું નર્વસ થઈ જાઉં છું. તેમના જેવાં આઇકન અને લેજન્ડ વિશે હું શું કહી શકું? આખી દુનિયા તેમને મારી સાસુ તરીકે ઓળખે છે. હું નસીબદાર છું કે મને તેઓ મારાં સાસુ તરીકે મળ્યા. તેઓ અતિશય સુંદર અને જાજરમાન છે. હું ખૂબ લકી છું કે મને તેમને ઊંડાણપૂર્વક જાણવાનો અવસર મળ્યો છે. તેઓ શાલીન, પ્રેમાળ અને કાળજી લેનારાં છે. તેઓ હંમેશાં ન માત્ર પોતાનાં બાળકો પરંતુ તેમનાં
પૌત્રો-પૌત્રીની સાથે વહુનું પણ ખાસ ધ્યાન રાખે છે. તેઓ મારા માટે સર્વસ્વ છે. તેમણે મને આ ફૅમિલીનો ભાગ સમજ્યાં. મને તેમના પ્રતિ અપાર માન સન્માન છે. મહામારી પહેલાં અમે જે રીતે મળતાં હતાં એ રીતે આખું વર્ષ અમે પરસ્પર એકબીજાને મળ્યા વગર જ વીતાવ્યું છે. તેઓ હજી સુધી મારા નાનકડા દીકરાને મળવા નથી આવી શક્યાં. આખો પરિવાર સાથે મળીને એકબીજા સાથે સમય પસાર કરીએ એવી ઇચ્છા છે.’
